Թորոսյանի անհավասարակշիռ ու հիստերիկ պահվածքը ՔՊ-ականների շրջանում տիրող ներքին լարվածության մասին է
ՔՊ-ական պատգամավոր Արսեն Թորոսյանը խեղկատակություն է անվանել արտախորհրդարանական ընդդիմության իմպիչմենտի առաջարկը։ Հիշեցնենք, որ երեկ ԱԺ Բաղրամյան պողոտայի ընդունարանում «Արթուն ենք» շարժման անունից ԱԺ բոլոր պատգամավորներին հանձնվեցին Նիկոլ Փաշինյանին խելամիտ ժամկետում (10 օրվա ընթացքում) անվստահություն հայտնելու գործընթաց (իմպիչմենտ) նախաձեռնելու առաջարկով անհատական նամակներ։
Արսեն Թորոսյանը, ցինիկաբար որոշել է հաճոյանալ իր քաղաքական հորը, և նրա բառապաշարին հարիր, «տկարամիտ» է անվանել բոլոր նրանց, ովքեր հավատում են իմպիչմենտով Փաշինյանի հեռացմանը։ Թորոսյանը հիստերիկ ձևով արձագանքեց իրեն ուղղված նամակին՝ պատռելով թուղթը։
«Ասենք, ինչքա՞ն կարելի է տկարամիտ լինել, որ նման բան նախաձեռնեն մի Ազգային Ժողովում, որն ունի մեծամասնություն»,- ասաց ՔՊ-ական պատգամավորը։
Իհարկե, կարելի է մտածել, որ այդ Փաշինյանն է հրահանգել է նման ձևով ընդունել իրենց ստացած նամակը, սակայն չի բացառվում նաև, որ դա հենց Թորոսյանի իմպրովիզն էր՝ տիրոջը հաճոյանալու համար։ Հատկապես, երբ վերջին շրջանում նրա անվան շուրջ պտտվում են խոսակցություններ՝ նրա գլխին կուտակված սև ամպերի մասին։
Ամեն դեպքում, ադեկվատ և հավասարակշռված մարդը չէր կարող իրեն նման բան թույլ տալ, հատկապես, երկրի օրենսդիր մարմին ներկայացնող անձը։
Հատկանշական է, որ այս հիստերիկ տրամադրությունը ամբողջ ՔՊ-ականների շրջանում է՝ ագրեսիվ, չարացած, սպասողական․․․
Վերջիններս որքան էլ փորձում են ցույց տալ, թե իրենք են եղանակ թելադրողը, այնուամենայիվ, հասկանում են, որ ժողովրդի ցասումը մոտ է, ու այլևս չեն կրում հասարակության համակրանքը։
Թորոսյանն իհարկե է ճիշտ է, երբ նշում է, որ ՔՊ-ն ԱԺ-ում մեծամասնություն է կազմում, բայց նա մի բան հաշվի չի առել՝ քայլիստները շատ հստակ գիտակցում են իրենց գլխի գալիքն, ու չի բացառվում, որ նրանց միջից որոշները միանան վարչապետին անվստահություն հայտնելու գործընթացին։
Գուցե հենց դա էլ առիթ էր հանդիսացել Թորոսյանի համար շատ արագ և հրապարակավ պատռել իրեն ուղարկված նամակը՝ ցույց տալով, որ ինքը կողմ լինողների թվում չէ։
Արմինե Մկրտումյան
