«BMW»-ով Դեբեդ գետն ընկած տղամարդու մարմինը հայտնաբերվել է ընկնելու վայրից 4 կմ հեռավորության վրա

Այսօր՝ մայիսի 9-ին, ՀՀ ներքին գործերի նախարարության փրկարար ծառայության Լոռու մարզային փրկարարական վարչության, վարչության պետ Սերոբ Գաբրիելյանի, վարչության պետի տեղակալ գլխավորությամբ, ՀՀ ՆԳՆ ոստիկանության քրեական ոստիկանության գլխավոր վարչութան Լոռու մարզային քրեական վարչության, վարչության ետ Խորեն Բարխոյանի գլխավորությամբ, ՀՀ ՆԳՆ ոստիկանության պարեկային ծառայության Լոռու մարզի գումարտակի պարեկները՝ գումարտակի հրամանատար Կարեն Կուրեղյանի, գումարտակի ծառայության ավագ տեսուչ Արման Սուքիասյանի գլխավորությամբ, ինչպես նաև ՀՀ ՆԳՆ ոստիկանության համայնքային ոստիկանության գլխավոր վարչության Թումանյանի բաժնի ծառայողները՝ բաժնի պետ Արթուր Գուրջանյանի գլխավորությամբ առավոտյան ժամը 07:00-ից վերսկսել են Դեբեդ գետում մայիսի 2-ին «BMW»-ով Դեբեդ գետն ընկած 74-ամյա Ռուբեն Պ.-ի դիակի հատնաբերման  աշխատանքները:

Ինչպես հայտնում  է Shamshyan.com-ը, քիչ առաջ Թումանյանի հրշեջ-փրկարարները Դեբեդ գետում՝ Ախթալա-Շնող հատվածում, ավտոմեքենայի ընկնելու վայրից մոտ 4 կմ հեռավորության վրա հայտնաբերվել է քաղաքացու դի:

Պարզվել է, որ հայտնաբերվածը Լոռու մարզի բնակիչ 74-ամյա Ռուբեն Պ.-ն է:

Այս պահին դիակի հայտնաբերման մասին ոստիկանության Թումանյանի բաժնից տեղեկությունը փոխանցել են ՀՀ քննչական կոմտեի Լոռու մարզային քննչական վարչության Թումանյանի քննչական բաժին, որետղից ժամ քննչական խումբը՝ օրվա պատասխանատու հերթապահ քննիչի գլխավորությամբ: