Պարզվել է Փարիզի ահաբեկիչների համախոհներից ևս մեկի ինքնությունը
Բելգիայի իշխանությունները պարզել են Փարիզում նոյեմբերին ահաբեկչություն իրականացրած ահաբեկիչների համախոհներից ևս մեկի ինքնությունը, տեղեկացնում է РИА Новости գործակալությունը։
Դեկտեմբերի սկզբին Բելգիայի իշխանությունները հետախուզում էին հայտարարել ահաբեկչության հիմնական կազմակերպիչ համարվող Սալեհ Աբդեսլամի երկու ենթադրյալ աջակիցների նկատմամբ։
Համախոհները բելգիական կեղծ փաստաթղթեր են օգտագործել՝ ներկայանալով որպես Սամիր Բուզիդա և Սուֆիան Քայալ։
«Քննությանը հաջողվել է պարզել Սուֆիան Քայալի ինքնությունը. նա իրականում Լաաշրաուի Նաջիմն է՝ ծնված 1991 թվականի մայիսի 18-ին»,-հայտնել է դատախազությունը։
Լաաշրաուի քաղաքացիական պատկանելիությունը չի հաղորդվում։ Նրա կեղծ փաստաթղթերն օգտագործվել են բելգիական Օվելե քաղաքում տուն վարձակալելու համար, որն օգտագործվել է փարիզյան ահաբեկչությանը նախապատրաստվելու նպատակով։
Նրա ինքնությունը հաջողվել է պարզել ԴՆԹ փորձանմուշի միջոցով, որը մնացել էր այդ տանը։
Քննիչները նաև կարծում են, որ Լաաշրաուին նոյեմբերի 13-ի երեկոյան հեռախոսային բանակցություններ կարող է ունեցած լինել Փարիզի ահաբեկիչների հետ։
2015 թվականի նոյեմբերի 13-ին Փարիզի մի շարք շրջաններում ահաբեկչությունների շարք էր տեղի ունեցել։ Երեք մահապարտներ գործողություն էին իրականացրել «Ստադ դե Ֆրանս» մարզադաշտի մոտ, որտեղ տեղի էր ունենում Ֆրանսիայի և Գերմանիայի հավաքականների հանդիպումը։ Մեկ այլ խումբ հարձակվել էր Փարիզի հյուսիս-արևելքում գտնվող սրճարանների ու ռեստորանների վրա։
Եվս երեք ահաբեկիչ պատանդներ էին վերցրել «Բատակլան» թատրոնում։ Ընդհանուր առմամբ՝ Փարիզի ահաբեկչություններից զոհվել է 130, վիրավորվել՝ ավելի քան 350 մարդ։
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
