Հռոմի նորընտիր պապի կարևոր կոչն ու Վատիկան-Բաքու հարաբերությունները
«Գեղարդ» վերլուծական․
Կաթոլիկ եկեղեցու նորընտիր հովվապետ Լևոն 14-րդն առաջին հանդիպումն է ունեցել լրատվամիջոցների ներկայացուցիչների հետ։ BBC-ի հաղորդմամբ՝ Հռոմի պապը կոչ է արել ազատ արձակել ձերբակալված լրագրողներին, որոնք ազատազրկվել են «ճշմարտությունը որոնելու և հաղորդելու համար»։ Հռոմի պապը նշել է նաև, որ մամուլի ազատությունը պետք է պաշտպանվի, իսկ ազատազրկված լրագրողների տառապանքները «մարտահրավեր են պետությունների և միջազգային հանրության խղճի դեմ»։
Վատիկանի հետ սերտ հարաբերություններ կառուցող Ադրբեջանում Լևոն 14-րդի այս ելույթը հազիվ թե լուսաբանվի՝ հաշվի առնելով մամուլի ազատության վիճակն այդ երկրում։ «Լրագրողների պաշտպանության կոմիտե» միջազգային կառույցի՝ 2024 թվականն ամփոփող տվյալներով՝ Ադրբեջանում եղել է 13 ազատազրկված լրագրող։ Մայիսի 9-ի՝ թարմացված տվյալներով՝ Ադրբեջանում ազատազրկված լրագրողների թիվը հասել է 25-ի․ վերջին դեպքը երկու անկախ լրագրողներ Ուլվիյա Ալին և Ահմադ Մամմադլին էին։ Բնականաբար, ադրբեջանական ռեժիմի կողմից լրագրողների հետապնդումը կրում է քաղաքական բնույթ։ Ազատազրկվածների թվում է նաև հետազոտող, սյունակագիր Բահրուզ Սամադովը, որին առաջադրված է դավաճաության մեղադրանք։ Վերջինս համարձակվել էր քննադատել Հայաստանի նկատմամբ Ադրբեջանի ծավալապաշտական և ագրեսիվ քաղաքականությունը։
Լրագրողները միակ հետապնդվող խումբը չեն Ադրբեջանում։ Էթնիկ փոքրամասնությունների, օրինակ՝ թալիշ գործիչերի, շիա հավատացյալների նկատմամբ ապօրինի հետապնդումները ևս սովորական երևույթ են։
Սովորաբար միջազգային կառույցների և տարբեր կազմակերպությունների ուշադրության կենտրոնում են այս խմբերը, ինչպես նաև՝ իրավապաշտպաններն ու հասարակական գործիչները։ Ներկայումս Բաքվում շինծու դատավարություն է ընթանում շուրջ երկու տասնյակ հայ պատանդների ու գերեվարված անձանց նկատմամբ, որոնց ազատ արձակման պահանջով հանդես են եկել տարբեր կառույցներ և քաղաքական գործիչներ, այդ թվում՝ Եվրախորհրդարանը։ Հարկ է, որ միջազգային նման կառույցներն իրենց ուշադրությունը սևեռեն նաև այս գործընթացի վրա։
Վերջին տարիներին Բաքուն ակտիվ աշխատանք է տանում Վատիկանի հետ, որի նպատակներից մեկն էլ հանդուրժողական երկրի կերպարի առաջմղումն ու Արցախի հայկական հոգևոր-մշակութային ժառանգությունն աղվանաուդիական ներկայացնելն է։ «Գեղարդ» հիմնադրամը պարբերաբար անդրադարձել է այս խնդիրներին։
Հույս ունենք, որ Հռոմի նորընտիր պապն ավելի բծախնդիր վերաբերմունք կունենա Բաքվի քաղաքականության նկատմամբ՝ հիմքում ունենալով քրիստոնեական, համամարդկային, մարդասիրական արժեքները։ Կաթոլիկ եկեղեցին, իրապես, կարող է մեծ նպաստ ունենալ Արցախի հայկական-քրիստոնեական ժառանգությունը ոչնչացումից և կեղծումից փրկելու գործում։
Վերին Լարսը փակ է. Վրաստանը տարհանում է տեղի բնակիչներին (տեսանյութ)
Մեր պետական կառույցներում չգիտե՞ն, թե փայլաթիթեղն ինչ նպատակով կարող է օգտագործվել Ադրբեջանում
Ադրբեջանը Հայաստանի գյուղերում ուսումնասիրություն է իրականացրել, որում Արարատի Նորամարգ գյուղը ներկա...
Չամարձակվեք այլևս Ծառուկյանի անունը տալ, դուք «պրավալ» տվեցիք, հիմա փորձում եք մեղքը գցել Ծառուկյանի...
Ինչո՞ւ են «Գարդիան» գրուպի մրցակից պահնորդներին զենքի քննությունից «աջ ու ձախ կտրում». ի՞նչ կապ ունի...
Կարծում եք՝ պատից նկարը հանելով՝ հերոսի՞ն էլ եք ջնջելու. ջնջել են Ալբերտ Հովհաննիսյանի նկարը
Պարգևավճարներ՝ «յուրայիններին». կոռուպցիոն ռիսկեր և կամայականություն՝ Աբեղյանի անվան գրականության ին...
Ուկրաինան անօդաչուներով հարձակվել է Ռուսաստանի ուղղությամբ. Կրասնոդարում այրվում է նավթաբազա
Ո՞ր գրառման համար է ձերբակալվել Վահրամ Սահակյանը (լուսանկար)
Ադրբեջանցին մտել է Ծովագյուղ և հանգիստ նկարում է տարածքը (քարտեզ, տեսանյութ)
