Ապրիլին ջերմաստիճանը կլինի նորմայի սահմաններում, տեղումները՝ նոմայից ավելի. (տեսանյութ)

Վերջին 20 տարվա ընթացքում մարտը տաքացել է: Այս մասին «Անդրադարձ» մամուլի ակումբում հրավիրված մամուլի ասուլիսի ժամանակ ասաց ԱԻՆ Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը՝ անդրադառնալով վերջին ցրտահարություններին:

Նրա խոսքով՝ տաքացումները բերում են նրան, որ Արատյան դաշտում ծիրանենին շուտ է ծաղկում, իսկ մարտին սառը հոսանքերը բերում են ցրտահարության:

«Այս գիշեր դարձյալ եղել են ցրտահարություններ: Գիշերը տաք եղանակ է գրանցվել միայն Մեղրիում և Կապանում: Իսկ վաղվանից արդեն ցերեկը հոսանքերը հյուսիս-արևմտյանից կփոխվեն հարավ-արևմտյանի և ջերմաստիճանը կտաքանա: Տաք եղանակը կպահպանվի մինչև մարտի 25-ը»,-ասաց Սուրենյանը:

Նա հայտնեց նաև, որ ապրիլին ջերմաստիճանը կլինի նորմայի սահմաններում, իսկ տեղումները՝ նորմայից ավելի:
Որոշ մարզերում ամսվա առաջին օրերին հնարավոր է ջերմաստիճանի անկում, իսկ արդեն ապրիլի երկրորդ կեսից՝ ջերմաստիճանը կբարձրանա:

Ասուլիսի մյուս բանախոս Հիդրոլոգիայի կենտրոնի պետ Լևոն Ազիզյանն էլ, խոսելով գետերի վարարումներից, նկատեց, որ գետերի մեծ մասում, նորմայից ավելի անձրևների ու վարարումների դեպքում, մերձափնյա տարածքներում հնարավոր են հեղեղումներ:

Հիշեցնենք, որ մարտի 23-ը օդերևութաբանի համաշխարհային օրն է: Հայաստանում այդ օրը նշում են արդեն 12 տարի: Մեր երկրում տեղակայված է 47 օդերևութաբանական կայան:

Մանրամասն՝ տեսանյութում