Կանանց թաքուն պայքարը գործադիրում՝ 2026-ի ընտրություններին ընդառաջ. «Ժողովուրդ»
«Ժողովուրդ» օրաթերթը գրում է.
««Ժողովուրդ» օրաթերթի՝ Կառավարությանը մոտ կանգնած աղբյուրները փոխանցում են, որ գործադիրում նկատելիորեն սրվել է կանանց ներքին մրցակցությունը՝ վարչապետ Նիկոլ Փաշինյանի ուշադրությունը գրավելու, աջակցությունն ապահովելու նպատակով։
Ըստ մեր տեղեկությունների՝ Կառավարությունում բարձր պաշտոններ զբաղեցնող կին պաշտոնյաները ձգտում են ամրապնդել իրենց դիրքերը եւ վերաճանաչվել որպես ազդեցիկ դեմքեր՝ 2026 թվականի խորհրդարանական ընտրություններից հետո էլ պաշտոններում մնալու կամ առաջխաղացման հնարավորություն ունենալու համար։
Ակտիվ առաջխաղացման փուլում է հատկապես ՀՀ առողջապահության նախարար Անահիտ Ավանեսյանը, որը վերջերս դարձել է «Քաղաքացիական պայմանագիր» կուսակցության անդամ։ Ըստ «Ժողովուրդ» օրաթերթի աղբյուրների՝ Ավանեսյանը նպատակ ունի ներգրավվել նաեւ կուսակցության վարչությունում, որի կազմի վերափոխումը վարչապետ Փաշինյանը նախատեսում է այս տարվա սեպտեմբերին։
Մեր աղբյուրների փոխանցմամբ՝ կառավարությունում իրենց դիրքերը պահպանելու ցանկություն ունեն նաեւ արդարադատության նախարար Սրբուհի Գալյանը, ՆԳ նախարար Արփինե Սարգսյանը, ինչպես նաեւ ԿԳՄՍ նախարար Ժաննա Անդրեասյանը։ Այս շրջանակում տիրում է ոչ հրապարակային, սակայն ակտիվ մրցակցություն, որը չի բացառվում, որ ժամանակի ընթացքում դուրս գա հանրային դաշտ։
Իշխանությանը մոտ կանգնած մյուս ազդեցիկ կանայք՝ գլխավոր դատախազ Աննա Վարդապետյանը եւ մարդու իրավունքների պաշտպան Անահիտ Մանասյանը, ձգտում են անընդհատ ապացուցել իրենց լիակատար հավատարմությունը վարչապետ Փաշինյանի թիմին։ Աշխատանքում ցուցաբերած նախաձեռնողականությունն ու քաղաքական հռետորաբանության ուշադիր վերահսկումը վկայում են այդ նպատակի մասին։
Թեեւ վարչապետ Փաշինյանը դեռ վերջնական որոշումներ չի կայացրել ապագա վերադասավորումների վերաբերյալ, սակայն ակնհայտ է՝ իշխանական կանայք ներսում ակտիվ դիրքային պայքարի մեջ են, իսկ որոշումների կայացման պահին այս պայքարը կարող է ունենալ վճռորոշ ազդեցություն»։
Մանրամասները՝ «Ժողովուրդ» օրաթերթի այսօրվա համարում:
30-ամյա կինը հայտնել է, որ սեռական բռնության է ենթարկվել հյուրանոցում, ավտոմեքենայում ու նաև խոտերի ...
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Քաղաքական մեսի՞ջ․ այսօր՝ սրտիկներ ադրբեջանական երգի ներքո, վաղը՝ պար ադրբեջանական դուդուկի տակ
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
«Սաղիդ դոսյեները սեղանիս է, ինձ հունից չհանեք». Մխոն տեղը չի գտնում. «Իրավունք»
