Բոլորիդ շատ սիրում եմ, ապրեք, որ չեք հավատացել այս շինծու գործին. Սանասարյանը չէր կարողանում թաքցնել հուզմունքը (տեսանյութ)

 Երբ գործով դատավոր նշանակվեց Դավիթ Բալայանը,  ես ինչ-որ առումով ուրախացա, իր պահվածք հետ շատ դեպքերում համաձայն չեմ եղել, բայց գիտեի, որ արդարամիտ է ինքն, ու չեն կարողանալու նրա վրա ճնշումներ գործադրել, իրեն արդարացնելու դատական նիստից հետո լրագրողների հետ զրույցում հայտարարեց ՊՎԾ նախկին ղեկավար Դավիթ Սանասարյանը։

Նա նշեց, որ այդ առումով իր համար անակնկալ չէր դատարանի որոշումը.

«Իրավունք չունեմ պահանջելու, որ ինձ վերականգնեն պաշտոնին, քանի որ իմ դիմումի համաձայն եմ դուրս եկել։ Իսկ թե հետագայում ինչ քայլեր ենք անելու՝ կքննարկեմ իմ փաստաբանական խմբի հետ։ Այս պահին այլ հարցերի չեմ ուզում պատասխանել, ուղղակի ուզում եմ շնորհակալություն հայտնել առաջին հերթին ծնողներիս, կնոջս, երեխաներիս, որ այս ծանր տարիներին եղել են կողքիս, փաստաբանական խմբին, որ անշահախնդիր կանգնած է եղել կողքիս, այն քաղաքացիներին, ովքեր այստեղ են եղել բոլոր դատերին, բոլոր նրանց, ովքեր առաջին օրվանից չեն հավատացել այս շինծու գործին։

Բոլորիդ շատ սիրում եմ, շնորհակալություն եմ հայտնում»։

Սանասարյանը հարցերին պատասխանելիս չկարողացավ զսպել հուզմունքը։