Կանանց և ընդհանրապես ընտանիքների վրա հարձակվելը «նորաձև են դարձրել» հենց նիկոլենք և իրենց աջակիցները. Կարեն Վրթանեսյան

Մեդիափորձագետ Կարեն Վրթանեսյանը ֆեյսբուքյան իր էջում գրել է.

«Նիկոլենց պաշտպանական գծերից մեկն այն է, թե. «Բա լա՞վ է, որ Նիկոլին և Հակոբյան Աննային հայհոյում էին, բա լա՞վ է, որ ընտանիքին կպնում էին» ևն։ 

Ու շատերը, կարծես, շտապ մոռացան, թե ով և ինչպես սկսեց հրապարակավ հայհոյելը, կանանց վիրավորելը, ընտանիք մտնելը։

Մոռացան Աշոտյանին հրապարակային հայհոյելը, Շարմազանովի անչափահաս դստերն ուղղված ատելության ալիքը, Շուշան Պետրոսյանին ամենաստոր ձևերով կպնելը, բանտից ազատված Քոչարյանին դիմավորող թոռների ֆոտոյի վրա սատանի կոտոշներ նկարելը, թոռների հետ զբոսնող Հրանտ Մարգարյանի վրա հարձակվելը, Հրայր Թովմասյանի դստրերին կպնելը և այլն, և այլն։

Կանանց և ընդհանրապես ընտանիքների վրա հարձակվելը «նորաձև են դարձրել» հենց նիկոլանք և իրենց աջակիցները։

Ավելացնեմ նաև, որ Աննա Հակոբյանը՝ ի տարբերություն, օրինակ՝ Քոչարյանի կամ Հրանտ Մարգարյանի թոռների, կամ Հրայր Թովմասյանի ու Շարմազանովի դստրերի, քաղաքական գործիչ է, իսկ իրենց չափահաս երեխաներին էլ հենց Նիկոլն ու Աննան են ներգրավում քաղաքականության մեջ, այսպիսով դարձնելով քաղաքական ֆիգուրներ և ուրեմն՝ քաղաքական ամենակոշտ քննադատության լեգիտիմ թիրախներ։

Այնպես չի, չէ՞, որ ընդդիմադիրներն են գնում բարձրանում Սիմոնյան Ալենի մոր դուռը թակում, Ալեն Սիմոնյանի մայրն է բալկոնից միջնամատ ցույց տալիս ցուցարարներին։ Ակտիվիստները չեն, որ գնում են Վահագն Ալեքսանյանի մոր հետևից, հակառակը, այդ կինն է մի օրվա մեջ 2 անգամ գալիս՝ ակնհայտորեն սադրում, որ կռիվ հրահրի։

Ի վերջո չասեմ (հուսով եմ գոնե այսքանը չեք հասցրել մոռանալ) որ ազգակործան պատուհասները թշնամուն հանձնեցին 2000 տարվա անընդհատ հայկական ներկայության պատմությամբ Արցախը, և ամենօրյա ռեժիմով հարցականի տակ են դնում ոչ միայն Հայաստանի Հանրապետության գոյության, այլև բուն հայ ազգի գոյության իրավունքը։ Չասեմ նաև, որ այդ հանցագործների խղճին է հինգ հազարից ավելի հայերի մահը։

Ու չկա աշխարհում այնպիսի վիրավորանք, անեծք, որը մոտավորապես համարժեք լինի իրենց կատարած հանցագործություններին։

Հ.Գ. Հայհոյելը ցանկացած դեպքում սխալ եմ համարում, բայց դա չի նշանակում, որ նզովյալները չեն վաստակել աշխարհի ամենավերջին հայհոյանքները»:
#նզովյալներ