Աճպարարը գլուխը քարով է տվել մեր դատավորների համեմատ. խաբված գործարար. (տեսանյութ)

Շինարարական գործունեություն իրականացրած քաղաքացի Ասլան Դիլբարյանը պնդում է, որ ոնտահարվել են իր իրավունքները և ապօրինի կերպով իրեն ունեզրկել են:

«Անդրադրաձ» մամուլի ակումբում լրագրողների հետ զրույցում Ասլան Դիլբարյանը մանրամասնեց, որ 25 տարի զբաղվում է անհատ ձեռներեցությամբ և իր ձեռնարկատիրական գործունեությունն ընդլայնելու նպատակով 2008 թվականի փետրվարի 4-ին «Արդշինինվեստբանկ» ՓԲԸ-ից վերցրել է 50.000.000 ՀՀ դրամ վարկ`գրավ դնելով Լենինգրադյան 4/9 հասցեում գտնվող իր խանութը:

Ըստ Դիլբարյանի` մոտ մեկ տարի պարտաճանաչ կատարել է վարկային պարտավորությունները, մուծել է շուրջ 15.000.000 դրամ, բայց 2008 թվականի դեկտեմբերի 24-ին տարել է սուր ինֆարկտ, ենթարկվել է վիրահատության (2-րդ խմբի հաշմանդամ եմ): Դիլբարյանը նշեց նաև, որ սեփական հիվանդության, ինչպես նաև համաշխարհային ֆինանսատնտեսական ճգնաժամի պատճառով չի կարողացել ժամանակին ամբողջությամբ մարել վարկը. «Բանկի դիմումի համաձայն` դատարանը 2009 թվականին (ապօրինի) ինձ ճանաչել է սնանկ, որից հետո կազմակերպվել է կեղծ աճուրդ առանց ինձ և բանկին տեղյակ պահելու և իմ գույքը, որը գնահատված է եղել 145.000.000 ՀՀ դրամ (նշված արժեքը կրկնակի ցածր է իրական արժեքից) վաճառել են ընդամենը 38.000.000 ՀՀ դրամով՝ չնայած այն հանգամանքին, որ ես բազմիցս դիմել եմ բանկին վարկային պարտավորություններս կատարելու համար լրացուցիչ ժամանակ տրամադրելու խնդրանքով: Օգտվելով իմ առողջական վիճակից` կեղծ սնանկության տանելու եղանակով և կեղծ փաստաթղթերով իմ գույքը հափշտակվել է, ակնհայտ ցածր գնով իրացվել, ավելին՝ նույնիսկ նպատակ են հետապնդել բնակարանս ևս չնչին գնով խլել ինձանից, որի պատճառով ես հայտնվել եմ անելանելի վիճակում: Փաստորեն, 35.000.000 ՀՀ դրամ պարտքի դիմաց ցանկանում են խլել մոտ 300.000.000 դրամ արժողությամբ խանութս և 40.000.000 դրամ արժողությամբ բնակարանս»,- մանրամասնեց նա:

Ասլան Դիլաբարյանը նաև ասաց, որ բաց նամակով դիմել է նախագահին, որից հետո իրեն հրավիրել են նախագահական, լսել, բայց այդպես էլ գործի առումով դրական տեղաշարժ չի եղել, դատավորները, սննկացման գործով կառավարիչը, գնորդը հանցավոր համաձայնության են եկել.«Տույժ ու տուգանքներով պարտքս դարձրեցին 150 միլիոն դրամ: Իրականում աճուրդը կազմակերպվել է կեղծված փաստաթղթերով, քանի որ վճարման հանձնարարագրերը կեղծ են՝ մեկում գրանցված էր, թե փոխանցվել է 2 միլիոն, իսկ մյուսում` 2 միլոն 200 հազար, ախր, աճպարարը գլուխը քարով է տվել իրանց մոտ: Վաճառել են նաև իմ` Արզումանյան 32 հասցեում գտնվող բնակարանը, ու գիտեք, թե ինչքան՝ 8 միլիոն: Եթե իմ պարտքից ավելի է իմ ունեցած գումարը, ինչո՞ւ են ինձ սնանկ ճանաչում, իսկ գնորդն ու սնանկության կառավարիչն իրար հակասող բաներ են ասում: Նույն գործարքի հետ կապված դատարանին ներկայացրել են HSBC և «Արդշինինվեստ» բանկերի կողմից փոխանցման մի քանի հանձնարարականներ և դրանցում ոչ միայն ժամերն են կեղծված, այլև կնիքները»,- պատմեց գործարարը:

Մանրամասները՝ տեսանյութում