«Թուրքի գործակալներ»․ «դուք էլ սպիտակ թուրք եք»․ ռուսամետ ու եվրոպամետ հայերի բախում՝ ԱԺ դիմաց

«Армения и Россия навеки союзники», «братские народы» այս և համանման գրությամբ պաստառնելով, ԱԺ մոտ էին ռուսամետ քաղաքացիներ, ովքեր ոչ միայն եկել էին ողջունելու ՌԴ խորհդարանի ղեկավար Մատվիենկոյի այցը Հայաստան, այլև հակզդելու ԱԺ-ի դիմաց հավաքված եվրոպամետ քաղաքացիների ակցիան՝ ընդդեմ նույն այցի։

«Էդ սադրիչներին հետ տարեք, ոչ թե մեզ հեռու ուղարկեք, մենք այստեղ ենք կանգնելու, այս թայֆեն սադրիչներ են»,-արևմտամետներին մատնացույց անելով՝ ասաց ակցիան նախաձեռնած «Հայկանդուխտ ավանդապաշտ ժողովրդավարական» կուսակցության փոխնախագահ Ռուզաննա Ստեփանյանը։

«Թուրքի գործակալներ»,-վանկարկեցին ռուսական պավիրակության այցը ողջունող քաղաքացիները, որոնց փոխադարձեցին եվրոպամետները՝ «սպիտակ թուրքեր»։

«Հիմա այդ Եվրոպական դրոշը, որ այստեղ պարզել են, դուք Եվրոպայից որևէ արձագանք ստացե՞լ եք,  չէ՞ որ ասում եք՝ ԵՄ եք գնում, խորհրդարանը հաստատեց, բայց ԵՄ-ն ձեզ ողջունե՞լ է, ինչ-որ բան ասե՞լ է։ Մեր ապրանքաշրջանառությունը, մեր երկրի գոյությունն այսօր կախված է ՌԴ-ից։ Ճի՛շտ է, այս սադրիչներն ուզում են ՀՀ-ն մտցնել թուրքական կրնկի տակ, դարձնեն Թուրքիայի վիլայեթ։ Դրա համար ենք այստեղ՝ ողջունելու Մատվիենկոյի այցը ՀՀ և վստահ ենք, որ հայ-ռուսական դարավոր բարեկամությունը նորից կվերգտնենք»,-ասաց Ստեփանյանը։