Էթիկայի` չէ, բայց էրոտիկ դիմախաղի ու մաստակ ծամելու դասեր թերևս կարող է տալ

Արդարադատության նախարար Սրբուհի Գալյանը որոշել է էթիկայի դասեր տալ լրագրողներին։ Լրագրողների հարցերին այդպես էլ չպատասխանելը Գալյանը բացատրել էր նրանով, թե իբր «փոխադարձ հարգանքի և լսելու պատրաստակամության» մթնոլորտ չկար․․․ իհարկե չկար, բայց ոչ թե լրագրողների, այլ հենց Գալյանի կողմից, ով լրագրողների հետ հանդիպման ժամանակ նրանց հարցերը լսում է դիմախաղային անառողջ, արհամարհական ու երբեմն էլ էրոտիկ շարժումներով (մասնավորապես՝ լեզվով շոյելով շուրթերը, ձեռքերով շոյելով դեմքը, հարդարելով մազերը․․․)։ Այնպիսի տպավորություն է, որ նա ընդհանրապես չի լսում, քանի որ լրիվ տարբեր բովանդակությամբ ու հարցի հետ կապ չունեցող պատասխաններ է հնչեցնում։

Ասում է այն, ինչ ինքն է ուզում՝ երբեք սպառիչ պատասխան չտալով։ Ու հետո, երբ լրագրողները ընդհատում են նրան, որպեսզի ստանան իրենց հարցի՛ պատասխանը, Գալյանը սրտնեղում է, թե՝ խոսում է, իսկ լրագրողները «էթիկա չունեն» և ընդհատում են։ 

Ախր մի հարցնող լինի՝ ի՞նչ եք խոսում, ինչի՞ մասին, ախր հարցը դա չէր, Դուք ինչի՞ն եք պատասխանում․․․

Ու այս նախարարը խոսում է լրագրողների «էթիկա չունենալուց» և «բնական և կառուցողական հաղորդակցություն»-ից։

Ի դեպ, սա այն նույն Գալյանն է, ով Ազգային ժողովում, նիստի ժամանակ, տեսախցիկների առաջ ծամոն էր ծամում, ծամելով էլ խոսում կողքինների հետ ու ծիծաղում՝ մինչ մյուսները լսում էին ելույթ ունեցողին։

Իհարկե, այս տեսանյութից հետո նա փորձում էր բոլորին համոզել ու իրեն վստահեցնել, թե ծամոն չէր, այլ «շնչառություն բացող կոնֆետ», բայց փաստն այն է, որ տեսարանը տգեղ էր և նախարարին ոչ վայել։ Հատկապես, երբ նա տեսախցիկների առաջ է։ Սա է Գալյան Սրբուհու էթիկան։

Մյուս կողմից էլ, իհարկե, Գալյանը կարող է յուրօրինակ «էթիկայի» դասեր տալ, հաշվի առնելով, որ դեռ իր պաշտոնավարման 100 օրվա առիթով կազմակերպված ասուլիսում նա ասել էր, թե՝  «Այո՛, ես կին եմ, շատ լավ մասնագետ եմ և իմ տեղում եմ»։ Հիմա, շատ հնարավոր է, որ նա, շեշտելով թե՝ կին է ու լավ մասնագետ, ամենևին էլ իրավաբան լինելը նկատի չուներ։ Այնպես որ, կարելի է հավատալ Գալյանին՝ նա իսկապես որպես կին գուցե կարողանա էթիկայի դասեր տալ՝ դիմախաղային էրոտիկայի և կանացի սեքսուալ շարժուձևի դասեր։

Արմինե Մկրտումյան