Նիկոլը կորցնելու բան չունի. նա հերթական նռնակի օղակը քաշած ահաբեկիչ է․ Սամվել Ֆարմանյան

Կորցնելու բան ունի հայ ժողովուրդը: Կորցնելու բան ունի Հայաստանը: Կորցնելու բան ունենք ՄԵՆՔ:

Հատիկ-հատիկ ջարդում ու ոչնչացնում է բոլոր նրանց, ովքեր դեռ կարող են դիմադրել կամ սպառնալ իր իշխանությանը: Անում է, որովհետև մենք գերադասում ենք առանձին-առանձին ջարդվել, բայց չմիավորվել ու մեկ բռունցք չդառնալ: Քաղաքական կուսակցություններ, ավագանիներ, Մայր Աթոռ, ազգային այլ հաստատություններ, գործարարներ, լրատվամիջոցներ ու մնացած բոլոր-բոլորը՝ հայության 80-85 տոկոսը:

 

Ես Նիկոլին ու իր արտաքին տերերին վաղուց ոչ մի հարց չունեմ: Պատերազմ են հայտարարել Հայաստանին ու հայությանը: Ու դեռ հաղթում են: Ավելի ճիշտ՝ ոչ թե հաղթում են, այլ մենք ենք պարտվում:

 

Ես հարց ունեմ ընդդիմությանը. էլ ի՞նչ լինի, էլ ի՞նչ անի անհավասարակշիռ «ինքնիշխանը», որ դուք մի կողմ դնեք թավաքյալի ամեն ինչ ու բռունցքվեք: Իրար գաք եւ կոնկրետ քայլ անեք: Էլ ի՞նչ: Ու՞մ կամ ինչի՞ն եք սպասում: Էսօր հարձակվել է Հայաստանի ու հայերի համար այդքան բան արած բարերար Սամվել Կարապետյանի վրա, վաղը կհարձակվի ձեր բոլորի վրա:

Վաղն իսկ ընդդիմադիր բոլոր պատգամավորները, մեկ մարդու նման, պետք է ստորագրեն պատուհասին անվստահություն հայտնելու ձևաթուղթն ու շատ արագ անցնեն մնացածին: Ձեզ թվում է ՔՊ խմբակցությունում բոլո՞րն են պատրաստ դառնալ Նիկոլի հանցակից ահաբեկիչը:

Չեմ հավատում»։