Մոլորված մարդու վարքագիծ է. հոգեբանը՝ եկեղեցու դեմ Փաշինյանի արշավի և ձերբակալությունների մասին

Բլոգեր դարձած Փաշինյան Նիկոլը` որպես իրեն Հայաստանի ղեկավար  հռչակած անձ, պետք է զբաղված լիներ երկրի կարևորագույն հարցերի լուծմամբ, հատկապես հիմա, երբ Հայաստանը կանգնած է անվտանգային  ծանրագույն խնդիրների առաջ, սակայն նա գերադաասում է ֆեյսբուքյան իր էջում գրառումներ կատարել։

Տարբեր ու իրենցից որևէ արժեք չներկայացնող ընտանեկան տեսանյութերից սկսած` «փաշինյան-բլոգն» աստիճանաբար վերածվեց երկրի վարչապետին ոչ հարիր 18+ էջի, որտեղ նա անվայել բառամթերքով աջ ու ձախ սպառնալիքներ է հնչեցնում:

Այժմ էլ Փաշինյանի թիրախում հայտնվել է եկեղեցին ու եկեղեցու սպասավորը. սա արդեն ուղիղ սպառնալիք է քրիստոնեությանը:

NEWSPRESS.am-ի հետ զրույցում հոգեբան Միհրդատ Մադաթյանը նկատեց, որ Փաշինյանի պահվածքը մոլորված մարդու վարքագիծ է։

«Նիկոլ Փաշինյանն իր ողջ կյանքի ընթացքում չի փոխվել։ Նա միշտ եղել է վախկոտ անձնավորություն, ով փորձում է էպատաժային և խառնակչական տարբերակով իր կարևորությունն աշխարհի երեսին ինչ-որ ձևով հաստատել: Հիմա էլ շարունակում է նույն բանն անել։ Նիկոլ Փաշինյանն իմ ճանաչած ամենավախկոտ անձնավորություններից մեկն է, ով այսօրվա դրությամբ ունի իշխանություն և կարող է ինչ-որ մարդկանց ինչ-որ ձևով պատժել»,- ասաց նա մեզ հետ զրույցում։

Հոգեբանի խոսքով` Փաշինյանը, ձերբակալությունների միջոցով, փորձում է «հաղթել» այդ մարդկանց։

Ինչ վերաբերում է եկեղեցուն՝ դա էպատաժային մի շարժում է հայրապետի նկատմամբ, որը նպատակային գալիս է 90-ական թվականներից, երբ Փաշինյանն այդ ժամանակից սկսած` անթաքույց ներկայացրել է իր ատելությունը Հայաստանի և հայկական նկատմամբ։

«Փաշինյանն առաջինն էր, ով Ադրբեջանին ցավակցել է Խոջալուի «ցեղասպանության» համար, իսկ երբ եկավ իշխանության՝ փոխվեցին հայկական դասագրքերը, «ներմուծվեցին» տրանսգենդերներ, որպեսզի ավանդականությունը փչացվի»,- ընդգծեց հոգեբանը։