Վաստակավոր արտիստը Հայաստանում վաստակում է 130 հազար դրամ. (տեսանյութ)

«Հայաստանում այսօր վաստակավոր արտիստի կոչում ունեցողը ստանում է 180 հազար դրամ, պահաումները հանած 130 հազար դրամ»,- «Անդրադարձ» մամուլի ակումբում լրագրողների հետ զրույցում նշեց Վանաձորի Հովհ. Աբելյանի անվան պետական դրամատիկական թատրոնի գեղ. ղեկավար, ՀՀ ժողովրդական արտիստ Վահե Շահվերդյանը՝ հավելելով, որ երիտասարդ կադրերի մեծ մասը ստանում է նվազգույն աշխատավարձ` 50-55 հազար դրամ:

Ասուլիսի մյուս բանախոս Հայաստանի Թատերական գործիչների միության քարտուղար, թատերագետ Սոնա Մելոյանը համեմատական անցկացրեց Վրաստանի հետ՝ ասելով, որ Վրաստանում վաստակավոր արտիստը ստանում է 4000 հազար Եվրո աշխատավարձ, այնտեղ բացի պետական ֆինասավորումից կա նաև հովանավորչություն, ինչպես նաև ներդրողներ, իսկ Հայաստանում թատրոնի հովանավորչության մասին խոսելիս, ասում են` դեռ ժամանակը չէ:

Վահե Շահվերդյանը ընգծեց, որ թատրոնն այսօր դժվար է ապրում, բայց արարում է:

Բանախոսների դիտարկմամբ վերջին տարիներին թատրոնի ձեռքբերումը երիտասարդ կադրերն են, որոնցից շատերը բախվելով իրականությանը այլ ոլորտում աշխատում, կամ արտագաղթում են, կամ էլ սերիալներում դերեր խաղում, որտեղ ոչ մի դերասանի հիանալի խաղաղ չի կարող երևալ:

Մանրամասները՝ տեսանյութում