Բժիշկները պնդում են` կինս ուղեղի ցնցում չի ստացել. Կարո Եղնուկյան

«Բժիշկները պնդում են, որ կինս ուղեղի ցնցում չի ստացել, ճակատի վրա մեծ բացվածք է եւ 4 կար են դրել»,- newspress.am-ի հետ զրույցում նշեց ՝ «Նոր Հայաստանի» ներկայացուցիչ Կարո Եղնուկյանը: Երեկ նրա կինը՝ Ռուզաննա Եղնուկյանը Մաշտոցի պուրակում տեղի ունեցած միջադեպի ընթացքում վնասվածքներ էր ստացել: Ռուզան Եղնուկյանը բժշկական հետազոտությaն է ենթարկվել «Սուրբ Գրիգոր Լուսավորիչ» բժշկական կենտրոնում, երեկոյան 21:00-ին արդեն տանն է եղել: Կարո Եղնուկյանը չբացառեց, որ մեկ այլ բժշկական հաստատությունում ևս կինը կհետազոտվի, քանի որ դեռ իրեն լավ չի զգում. գլուխն ուժեղ ցավում է, չի կարողանում նստել կամ քայլել՝ գլուխը պտտվում է, բայց ասում են , որ ընդհանուր տրավմայի հետեւանք է»,-մանրամասնեց նա:

Կարո Եղնուկյանը հիշեցրեց, որ կինը շղթայված չի եղել գետնին, այլ կանգնած է եղել շղթայվածների մոտ, այսինքն ակցիայի մասնակից է եղել, գետնին պառկած սկզբում չի եղել, ոստիկանների անհամաչափ ուժ կրառումից հետո է հայտնվել գետնին:

«Ինձ բերման են ենթարկել Ռուզանին պաշտպանելու համար: Երբ որ ես տեսա, որ նա գետնին ընկած է եւ ոստիկանները գլխի վերեւով աջ ու ձախ են գնում՝ ես գնացի եւ ոստիկանին հրեցի, որ Ռուզանին ոտքի կանգնեցնեմ: Հաջողվեց հրել, բայց հետո ինձ բերման ենթարկեցին եւ Ռուզանը ոտքի չկանգնեց: Եվ փաստորեն ինձ բերման ենթարկելուց հետո, երբ դեռ Ռուզանը գետնին էր՝ ուժեղ հարված էր ստացել գլխին»,-ընդգծեց նա:

Կարո Եղնուկյանը նաև ասաց, որ հանցագործության մասին հաղորդագրություն են տարածելու, հետո արդեն կերևա, թե իրավապահ մարմիները ինչ քայլեր կձեռնարկեն անհամաչափ ուժ կիրառած ոստիկանների նկատմամբ:

«Թող հետազոտեն, ի՞նչ են անգրագետ կերպով իրենց աշխաանքը կատարել, ինչու՞ են անհամաչափ ուժ կիրառել և հրաման տվողը ո՞վ է եղել»,-եզրափակեց Եղնուկյանը: