Ալիևը շատ լավ է հասկացել՝ քանի դեռ բոլոր խաղացողներն ուղղակի հակված են սիրաշահել իրեն, ինքը որևէ բան չունի տալու. Հայրապետյան
Աբու-Դաբիի երեկվա հանդիպումը՝ ի հեճուկս իշխանական սպասումների, մեղմ ասած՝ հաջողված չի եղել։ Անգամ փաշինյանական քարոզչական դաշտն է լռում՝ միգուցե մտածելով, որ այդքան էլ խելամիտ չէ ակտիվորեն տարածել կեղծ ակնկալիքներ այդ հանդիպումից։ Այս մասին ֆեյսբուքյան իր էջում գրել է ադրբեջանագետ Տաթևիկ Հայրապետյանը.
«Իմ տպավորությամբ՝ Փաշինյանը հույս ուներ, որ ադրբեջանական կողմի պահանջների բավարարման ուղղությամբ արված իր բազմաթիվ ջանքերը կգնահատվեն, որ Էրդողանը բարեխոսել է, որ ամերիկյան կողմը որոշակի ճնշում է գործադրել, որ Ալիևը կգա ոչ թե նոր պահանջներով, այլ ձեռք բերածը ամրագրելու միտումով։ Բայց դա տեղի չի ունեցել, որովհետև ոչ ոք չի կարողանում հասկանալ ու ընկալել Ալիևի անսպառ քաղաքական ախորժակը։ Իսկ Ալիևը հստակ գիտի, թե ինչ է ուզում, դրա համար էլ դիմադրում է տարբեր միջազգային ճնշումներին, չէ՞ որ ժամանակին նրան հաջողվել է անգամ Կազանից փախնել ու չգնալ ԼՂ հիմնահարցի խաղաղ կարգավորմանը, հիմա սա ի՞նչ էր, որ չդիմադրեր, ավելին՝ դեռ մի բան էլ նոր պահանջներ չներկայացներ։
Ալիևը շատ լավ է հասկացել, որ քանի դեռ իր դեմ որևէ հստակ գործիքակազմ չի կիրառվել, ավելին՝ բոլոր խաղացողներն ուղղակի հակված են սիրաշահել իրեն, ուրեմն խաղաքարտերն իր ձեռքում են, ինքը որևէ բան չունի դիմացը տալու։ Խաղը կարող է շարունակել։
Ես նոյեմբերի 9-ից հետո Փաշինյանի հետ հանդիպմանը ասել եմ, որ իմ կարծիքով՝ պարտված ղեկավարը չի կարող բանակցել, դա չի կարող ի շահ Հայաստանի լինել՝ շատ օբյեկտիվ ու սուբյեկտիվ պատճառներով։ Ես դա չեմ ասել, որ իրեն խոցեմ, ես դա ասելով ինձ լավ չեմ զգացել, ես ուղղակի ասել եմ մտացածս, որովհետև ինձ պետք է Հայաստանը ամբողջական և իրապես ինքնիշխան, ինձ՝ որպես ՀՀ քաղաքացու, պետք է, որ հայկական պետության շահը ներկայացված լինի բանակցություններում, ես չեմ ուզում իմ պետության ներկայացուցիչները հետ գան Ալիևի ցանկությունների թարմացված ցուցակով ու դա շրջեն իմ պետության դեմ։ Ես շատ երջանիկ կլինեի սխալվել, ես շատ կուզեի տեսնել, որ պարտված ղեկավարը կարող է ի շահ Հայաստանի բանակցել, բայց ցավոք, իրողությունը բոլորովին այլ է․․․
Մինչդեռ Ալիևն այնքան խոցելի կետեր ունի, այնքան աշխատելու տեղ կա այդ առումով, այնքան բաց թողնված հնարավորություններ կան և անգամ այս բարդ իրավիճակում մենք դեռ ունենք հնարավորություններ իրադրությունը փոխելու՝ ի շահ ՀՀ-ին։ Դրա համար պետք է խելք, կամք, համառություն ու անհոգնել աշխատանք»,-գրել է ադրբեջանագետը։
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
Հայկական Վարդավառը՝ հունական Պոսեյդոնի ուղեկցությամբ. 199,5 մլն դրամ՝ տոնակատարության համար
Գումար չտաս՝ երեխայիդ «քթից կբերեն»․ ինչ է կատարվել Երևանի թիվ 134 դպրոցում. Ishkhanutyun.am
Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել. «Ժողովուրդ»
Կտրուկ վատացել է Գագիկ Ծառուկյանի մոր առողջական վիճակը․ «Հրապարակ»
Մոսկվայի հայ համայնքը հանդես է գալիս նախաձեռնությամբ՝ հաջակցություն Գագիկ Ծառուկյանի
Բանտում թե ազատության մեջ՝ Ծառուկյանը միևնույն է երկրում և աշխարհում շատ ավելի մեծ հարգանք է վայելել...
Փաշինյանը որոշել է «ժերտվա տալ» մերձավորներին. «Հրապարակ»
Ի՞նչ է նշանակում` բաժնի ղեկավարին աշխատանքից ազատել «հաստիքի կրճատման» հիմքով. ո՞ւմ եք ապուշի տեղ դն...
Գագիկ Ծառուկյանը հայտարարություն է տարածել
