9 ամսական երեխայի մայրը գնալու է բանտ. ինչ է կատարվել դատարանում. «Հրապարակ»

Երևան քաղաքի առաջին ատյանի ընդհանուր իրավասության դատարանի դահլիճներից մեկում այսօր քաոսային իրավիճակ է եղել։ Դատավոր Արշակ Մաթեւոսյանը կալանավորել է 9 ամսական երեխայի մորը՝ նրանց ուղարկելով բանտ։ Կալանքի լուրը լսելով կնոջ ինքնազգացողությունը վատացել է։

Փաստաբան Զարուհի Փոստանջյանը «Հրապարակ»-ի հետ զրույցում մանրամասնեց ստեղծված իրավիճակը․ «Այս աղջիկը սկզբում եղել է վկա, մի տարի վկայի կարգավիճակով են հարցաքննել, վերջում ներգրավվել են որպես մեղադրյալ՝ օժանդակող եւ բերել են դատարան գործը։ Նիստ չեն արել, նախնական դատաքննությա փուլում է։ Մի նիստի ինքը չի ներկայացել, հրաժարվել է հանրային պաշտպանից, ասել է, երբ պաշտպան ունենամ, կգամ, այդ հիմքը ինքը գտել է, որ բավարար է խափանման միջոցը փոխելու համար, եւ առանց իր ներկայության փոխել է՝ տվել է տնային կալանք, բայց քանի որ ապրում է վարձով տանը, իսկ վարձով տան տերն ասել է՝ ստեղից դուրս կգաս, ես չեմ թողնում, որ իմ տանը լինի տնայի կալանք։ Հիմա եկել ենք դատարան, ասում ենք փոխի այդ խափանման միջոցը, 3 ամսով կալանք է տվել»։

Փոստանջյանը ներկայացրեց քրեական գործի մանրամասները․ «Ինքը եղել է թարգմանիչ, հնդիկներ են եկել, հնդիկների համար թարգմանություն է արել, ինչ-որ փաստաթղթերի հետ կապված հարց է, այս աղջիկը միայն թարգմանութուն է արել, որը ներկայացրել են Օվիր, 7 անգամ բանավոր թարգմանություն է արել, հիմա իրեն տարել են որպես օժանդակող»։

Ըստ փաստաբանի՝ երեխային հետ է մայրը գնալու բանտ․ «Դատարանը չի լուծել էրեխու հարցը, հայրը գնաց, որ էրեխուն բերի, ասեց՝ ես չեմ կարա՝ էրեխուն  պահեմ»։