Արցախի ԱԺ նախագահը երախտագիտություն է հայտնել Բելգիային Արցախի վերաբերյալ բանաձևի համար
ԱՀ Ազգային ժողովի նախագահ Աշոտ Դանիելյանը երախտագիտություն է հայտնել Բելգիայի թագավորության ներկայացուցիչների պալատին:
Անձամբ իմ և Արցախի Հանրապետության Ազգային ժողովի անունից մեր խորին շնորհակալությունն ենք հայտնում Բելգիայի Թագավորության Ներկայացուցիչների պալատին՝ 2025 թվականի հուլիսի 18-ին միաձայն ընդունված «Լեռնային Ղարաբաղի իրավիճակի և Հարավային Կովկասում խաղաղության անհրաժեշտության վերաբերյալ» բանաձևի ընդունման համար։
Բանաձևում տեղ գտած դիրքորոշումները Բելգիայի ժողովրդի կողմից ընտրված պատգամավորների կողմից դրսևորված սկզբունքային մոտեցման վկայությունն է Արցախի ժողովրդի անօտարելի իրավունքների, մասնավորապես՝ հայրենիք վերադարձի և անվտանգ ու արժանապատիվ ապրելու իրավունքի ճանաչման ուղղությամբ։
Մենք բարձր ենք գնահատում բանաձևում տեղ գտած շեշտադրումներն ուղղված Արցախի բնակչության իրավունքների պաշտպանությանը, բռնի տեղահանված անձանց անվտանգ վերադարձին, ռազմագերիների և քաղաքացիական պատանդների անհապաղ ազատ արձակմանը, ինչպես նաև պատմամշակութային և կրոնական ժառանգության պահպանությանը։ Հատուկ կարևորում ենք միջազգային կազմակերպությունների,
մասնավորապես՝ ՅՈՒՆԵՍԿՕ-ի ներգրավման անհրաժեշտության վերաբերյալ հնչեցված կոչերը։
Մենք վերահաստատում ենք մեր պատրաստակամությունն ու տրամադրվածությունը համագործակցելու բոլոր միջազգային գործընկերների և կառույցների հետ՝ ուղղված արդարության վերականգնմանը, խաղաղության հաստատմանը և մարդու հիմնարար իրավունքների պաշտպանությանն ու ամրապնդմանը։
Արցախի իշխանությունների գործունեությանը խոչընդոտող հանգամանքների առկայության պայմաններում մարդու իրավունքների գերակայության վրա հիմնված միջազգային կառույցների և պետությունների կողմից նմանօրինակ սկզբունքային նախաձեռնությունները ստանում են շեշտակի կարևորություն և արժեք։
Բելգիայի Ներկայացուցիչների պալատի միաձայն որոշումը հստակ և հուսադրող ուղերձ է բոլոր նրանց համար, ովքեր շարունակում են պայքարել արդարության, ճշմարտության և արժանապատիվ խաղաղության համար։
Արցախի Հանրապետության Ազգային ժողովը վերահաստատում է իր խորին երախտագիտությունը Բելգիայի բարեկամ ժողովրդին և օրենսդիր մարմնին՝ արդարության ձայնը լսելի դարձնելու և մարդկության դեմ հանցագործությունների կոծկման փորձերին հակազդելու համար։
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
Հայկական Վարդավառը՝ հունական Պոսեյդոնի ուղեկցությամբ. 199,5 մլն դրամ՝ տոնակատարության համար
Գումար չտաս՝ երեխայիդ «քթից կբերեն»․ ինչ է կատարվել Երևանի թիվ 134 դպրոցում. Ishkhanutyun.am
Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել. «Ժողովուրդ»
Կտրուկ վատացել է Գագիկ Ծառուկյանի մոր առողջական վիճակը․ «Հրապարակ»
Մոսկվայի հայ համայնքը հանդես է գալիս նախաձեռնությամբ՝ հաջակցություն Գագիկ Ծառուկյանի
Բանտում թե ազատության մեջ՝ Ծառուկյանը միևնույն է երկրում և աշխարհում շատ ավելի մեծ հարգանք է վայելել...
Ի՞նչ է նշանակում` բաժնի ղեկավարին աշխատանքից ազատել «հաստիքի կրճատման» հիմքով. ո՞ւմ եք ապուշի տեղ դն...
Փաշինյանը որոշել է «ժերտվա տալ» մերձավորներին. «Հրապարակ»
Առյուծներին խնամողներն զգուշացրել են, որ այդ օրը նրանց չկերակրման օրն է, և քնեցումը կարող է անկանխատ...
