Ազատի ջրամբարում ջրահեղձ եղած պատանին Արցախից էր. հոգեհանգիստն այսօր է

 

Հիշեցնենք, որ հուլիսի 27-ին, ժամը 13:07-ին ահազանգ էր ստացվել, որ տղա երեխան ընկել է Ազատի ջրամբարը։

Դեպքի վայր էին մեկնել Հատուկ ջրափրկարարական և հրշեջ-փրկարարական ջոկատներից երկու մարտական հաշվարկ և Հատուկ նշանակության փրկարարական աշխատանքների իրականացման կենտրոնի փրկարարական խումբը։

 

Ջրասուզակն ափից մոտ 4 մ հեռավորությունից դուրս է բերել 2008 թ․ ծնված պատանու դին։

 

Յուրա Մելքումյանն իր երեք ընկերների և հարազատ եղբոր հետ միասին գնացել են ձկնորսության և ինչ-որ պահի 16-ամյա տղան և ընկերները որոշել են լողալ ջրամբարում, ինչից հետո դեպքը տեղի է ունեցել։ Ականատեսները նշում են, որ ընկերները և եղբայրն որքան փորձել են օգնել, սակայն չեն կարողացել, ինչի հետևանքով էլ տղան ջրահեղձ է եղել։

Շրջափակումից, պատերազմից ու Հայկազովի բենզալցակայանի պայթյունից փրկվել է, գաղթի ճանապարհ անցել և ջրամբարում ջրահեղձ է եղել…

 

Յուրի Մելքումյանի հոգեհանգիստը տեղի կունենա հուլիսի 28-ին ժամը 16:00-ին,ք. Արտաշատ (հասցե՝ Ազատամարտիկների 91)

 

Հուղարկավորությունը Հուլիսի 29-ին նույն վայրից։

 

Սիրելիներս, Ձեր ընտանիքի կորուստը նաև մեր կորուստն է: Թող Աստված տա Ձեզ ուժ հաղթահարելու այս մեծ ցավը, և թող նրա հոգին հանգչի խաղաղությամբ: