Երբ խոսում եք Սևանի ափին 50 հազար մարդու «բարեկեցիկ» կյանքից, մի մոռացեք.... քաղաքացիների արձագանքը՝ Փաշինյանին

Արձակուրդի մեջ գտնվող Նիկոլ Փաշինյանի աչքին քաղաքացիների հանգիստը ճոխ է թվացել: Նա մի ամբողջ տեքստ է գրել այն մասին, թե որտեղի՞ց մարդկանց փող: Ըստ նրա դա է բարեկեցությունը, որն ապահովում է պետությունը:

 

Ֆեյսբուքյան օգտատերերը կոշտ պատասխաններ են տվել Նիկոլ Փաշինյանին: Նրանցից Գրգոր Մովսիսյանն էլ նկատել է, որ երբ Փաշինյանը խոսում է Սևանի ափին 50 հազար մարդու մասին՝ մոռանում է այն հարյուր հազարավոր քաղաքացիների մասին, ովքեր չեն կարող իրենց թույլ տալ նույնիսկ ամենապարզ հանգիստը:

 

«Ինչպե՞ս կարող եք խոսել բարեկեցության մասին, երբ մեր հարևանը, մեր ընկերը, մեր ընտանիքի անդամը ստիպված է ընտրություն կատարել՝ սնունդ գնե՞լ, թե՞ վճարել կոմունալ ծախսերը: Ձեր խոսքերը ցավ են պատճառում նրանց, ովքեր իրենց բացառված են զգում այս «բարեկեցիկ» պատկերից։

 

Դուք խոսում եք ռեստորանների և ճանապարհորդությունների մասին, բայց չեք նշում, թե քանի ընտանիք է ստիպված վարկ վերցնել կամ հեռու՝ օտար երկրներում աշխատել, որպեսզի կարողանա գոնե մեկ օր «բարեկեցիկ» կյանք վայելել:

Երբ մեր երիտասարդները ստիպված են լքել ընտանիքները՝ աշխատանք գտնելու համար, դա Ձեզ համար բարեկե՞ցություն է:

 

Ասում եք, որ պետական բյուջեն է ապահովում մեր բարեկեցությունը, բայց ե՞րբ է այդ բյուջեն օգնել մեր ծնողներին՝ վճարելու բժշկի համար, կամ մեր երեխաներին՝ սովորելու արժանապատիվ պայմաններում: Պետությունը խոստանում է, բայց մենք դեռ ստիպված ենք գրպանից վճարել այն ամենի համար, ինչ պետք է անվճար լիներ: Ձեր խոսքերը մեզ հույս չեն տալիս, այլ հիշեցնում են, թե որքան հեռու ենք մենք իրական բարեկեցությունից:

 

@актуальное #արժանապատիվ #երկիր #ենք #ուզում ոչ թե ձեր ստերի ու մանիպուլյացիայի գերի երկիր»,-գրել է քաղաքացին։

 

Մեկ այլ քաղաքացի էլ հավելել է. Սևանի ափ գնացողների քանակովա որոշվում երկրի քաղաքացիների լավ ու վատ ապրելը? Վարչապետը նման գրառումը պետքա հիմնավորի տնտեսական թվերով, ոչ թե Սեվանի ափի մարդկանց քանակով։ Որպես օրինակ միջին աշխատավարձը 2016-2024 ի համեմատ աճելա 21.6% ով, իսկ նվազագույն սպառողական զամբյուղը 40.12% ով։ Ու ոնցա ստացվում նման հարաբերակցության դեպքում որ մարդիկ սկսել են լավ ապրել? Չեմ ասում որ թոշակի միջին աճը ընդամենը 11% է