Գազան կարող է հայտնվել ԱՄՆ-ի պրոտեկտորատի ներքո՝ 10 տարի ժամկետով

ԱՄՆ առաջնորդ Դոնալդ Թրամփի՝ Գազայի հատվածի վերականգնման ծրագիրը նախատեսում է պաղեստինյան անկլավի հանձնումը ԱՄՆ պրոտեկտորատի ներքո առնվազն 10 տարի ժամկետով, ինչպես նաև դրա բոլոր բնակիչների առնվազն ժամանակավոր վերաբնակեցումը։

Այս մասին հաղորդում է The Washington Post-ը՝ հղում անելով ԱՄՆ վարչակազմի աղբյուրներին։

Նշվում է, որ ամերիկյան իշխանությունները մշակել են Գազայի հատվածի վերակառուցման, տնտեսական զարգացման և վերափոխման համար հիմնադրամ ստեղծելու նախագիծ։

Ծրագրի համաձայն՝ Միացյալ Նահանգները չի պլանավորում իր սեփական միջոցները ներդնել Գազայի հատվածի վերականգնման մեջ և ակնկալում է ներգրավել առնվազն 100 միլիարդ դոլարի ներդրումներ, որոնք, ենթադրաբար, պետք է ներդրողներին բերեն քառապատիկ շահույթ։

Միևնույն ժամանակ, ծրագիրը ենթադրում է Գազայի ավելի քան երկու միլիոն բնակչության ժամանակավոր տեղահանում: Հողատերերին, որոնք պատրաստ են հանձնել իրենց սեփականությունը հետագա վերականգնման համար, սպասվում է, որ կառաջարկվեն թվային ակտիվներ: