65 տարեկաններին ինչի՞ եք երեխա տալիս, որ իրե՞նց պահեն, արգելել է պետք. Նազարյանը՝ փոխնախարարին

Ազգային ժողովում քննարկվում է Հայաստանի Հանրապետության ընտանեկան օրենսգրքում փոփոխություններ և լրացումներ կատարելու մաuին և կից ներկայացված օրենքների նախագծերի փաթեթը։ Այն առաջարկում է փոփոխություններ՝ երեխայի որդեգրման հարցում։

Ըստ օրինագծի` որդեգրման տարիքը 65 է դարձվել։ ԱԺ պատգամավոր Գեղամ Նազարյանը հարցրեց, թե՝ ինչ սկզբունքով է այդ տարիքն ընտրվել։ 

«Ասում եք՝ երեխայի տարիքի և ծնողի տարիքի գումար է, այդ դեպքում 65-ը ի՞նչ է, արդյոք կարելի՞ է երեխային տալ 65 տարեկան ընտանիքի։ Ինչի՞ են տալիս, որ երեխան հետո իրենց պահի՞, թե՞ ինչ անի»,- հարցրեց Նազարյանը։

Պատգամավորը նաև կարծիք հայտնեց, որ պետք է արգելվի օտարերկրյա կազմակերպություններին երեխա հանձնելու պրակտիկան։

«Մենք խնամատար ծնող դառնալու ցանկություն ունեցողի տարիքն ենք 55-ից դարձրել 65 տարեկան, որը երեխաների այլընտրանքային խնամքի կազմակերպման ձևերից մեկն է և այն վարձատրվող աշխատանք է»,- ասաց Տաթևիկ Ստեփանյանը՝ հիմնավորելով, որ Հայաստանում ծերացող հասարակություն է։