Փորձում ենք գործ անել, որովհետև մինչև 2026-ի ընտրությունները ձեռքներ ծալած նստելը մեզ համար չէ․ Հայկ Մամիջանյան

 Մենք 2026-ին սպասելու սիրահարների, 2026-ի ակումբի անդամներ չենք։ Այս մասին լրագրողների հտ զրույցում ասաց «Պատիվ ունեմ» խմբակցության ղեկավար Հայկ Մամիջանյանը։

«Փորձում ենք գործ անել,  որովհետև մինչև 2026-ի ընտրությունները ձեռքներ ծալած նստելը մեզ համար չէ»,-ասաց պատգամավորը։

Նա ունի իր տեսակետը, թե անհնազանդության յուրաքնաչյուր շարժում ինչու չհասավ իր նպատակին, բայց տեսախցիկների առաջ այդ ասին խոսելն անիմաստ է համարում։ Իսկ ավելի կոնկրետ՝ չի ցանկանում դիվիդենտներ հավաքել ընդդիմադիր գործընկերների դեմ։

Ամեն դեռպքում, Մամիջանյանը  չի հասկանում՝ հասկանում ինչպես կարելի է նստել ու ակտիվ ընտրությունների սպասելը։

Նա ասաց, որ իրենք առաջարկում են այս պահին միակ, իրենց կարծիքով, իրատեսական լուծումը՝ իմպիչմենտի գործընթացը։

«Դա այս պահին Փաշինյանի հեռացման՝ Հայաստանի քաղաքական դաշտում միակ առաջարկված օրակարգն է։ Եթե կան այլ օրակարգեր, սիրով կքննարկենք, բայց, կարծեք, ոչ մեկ որևէ այլ բան չի առաջարկում։ Իմպիչմենտի գործընթացը շարունակում է մնալ ՀՀԿ-ի առաջնահերթությունը»,- նշեց Մամիջանյանը։

Ըստ նրա, առանց հանրային կոնսոլիդացիայի, առանց փողոցի ճնշման հնարավոր չէ իրականացնել այդ գործընթաց. «Փողոցային ճնշումը վարչապետին անվստահաություն հայտնելու գործընթացի  կարևորագույն ու որոշիչ բաղադրիչն է»։

Հայկ Մամիջանյանի խոսքով, առաջին փուլում  անհրաժեշտ է  խորհրդարանական բոլոր ընդդիմադիր ուժերը միանան այդ գործըթնացին, հետևաբար շարունակում են սպասել «Հայաստան» խմբակցության արձագանքին։

«Խորհրդարանական ընդդիմության միասնական դիրքորոշումն առաջին կարևորագույն փուլն է, որ Փաշինյանին անհրաժեշտ է  հեռացնել ու կատարել  այն խոստումը, որը բոլորս տվել ենք 2021 թվականին, դրան նախորդող փողոցային ակցիաների ժամանակ։ Հիմա մենք մեր խոստումը կատարում ենք, դրա համար,  մեր կարծիքով, միակ հնարավոր օրակարգն առաջարկում ենք։ Ակնկալում ենք, որ մեր գործընկերները կմիանան կամ կառաջարկեն այլընտրանքային օրակարգ, որը չի լինելու»,- ասաց Մամիջանյանը։