Ֆրանսիայի իշխանությունները զրահապատ մեքենաներ կօգտագործեն սեպտեմբերի 18-ին հայտարարված զանգվածային բողոքի ցույցերի ժամանակ

Ֆրանսիայի իշխանությունները ի նշան խնայողության միջոցառումների սեպտեմբերի 18-ին կայանալիք զանգվածային ցույցերի ժամանակ կարգուկանոնը պահպանելու համար զրահապատ մեքենաներ, անօդաչու թռչող սարքեր և ջրցան մեքենաներ կօգտագործեն։ «ՌԻԱ նովոստի»-ն գրում է, որ չորեքշաբթի օրն այդ մասին հայտարարել է Ներքին գործերի նախարարի պաշտոնակատար Բրունո Ռետայլոն։

Արհմիությունների կոչերից հետո հինգշաբթի օրը Ֆրանսիայում սպասվում են բազմաթիվ ցույցեր։ Կմասնակցեն տարբեր մասնագիտությունների ներկայացուցիչներ, այդ թվում՝ կրթության, առողջապահության, տրանսպորտի, էներգետիկայի և այլ ոլորտների աշխատողներ։ Ցույցերին, ըստ գնահատականների, կմիանա մոտ 800,000 մարդ։

«Մենք կարձագանքենք ռեսուրսների զանգվածային տեղակայմամբ և հստակ հրահանգներով (իրավապահ մարմինների)... Ռեսուրսների այս զանգվածային տեղակայումը նշանակում է ավելի քան 80,000 ոստիկան և ժանդարմ, տեխնիկական սարքավորումներ, ինչպիսիք են անօդաչու թռչող սարքերը, և 24 «Centaure» զրահամեքենա։ Սրանք ազգային ժանդարմերիայի զրահապատ մեքենաներն են, որոնք մեզ հնարավորություն են տալիս հակազդել ամենալուրջ անկարգություններին,բողոքներին և այլն։ Մենք նաև կտեղակայենք 10 ջրցան մեքենա»,-BFMTV-ի եթերում ասել է Ռետայլոն։