Մարզպետի բարեկամի համար պաշտոնն ազատեցին. «Հրապարակ»
«Հրապարակ» թերթը գրում է.
«Տավուշի մարզպետարանի ինտերնետային կայքից տեղեկանում եմ, որ սեպտեմբերի 15-ին Տավուշի մարզպետ Հայկ Ղալումյանը, ղեկավարվելով մի շարք օրենքներով և հիմք ընդունելով Վարդան Մադաթյանի` 2025թ․ սեպտեմբերի 15-ի դիմումը՝ ազատել իրեն Սեւքարի միջնակարգ դպրոցի վարչատնտեսական մարմնի համակարգողի պաշտոնից, բավարարել է նրա դիմումը և նույն օրը՝ սեպտեմբերի 15-ին, Վարդան Մադաթյանին նշանակել Բերքաբերի միջնակարգ դպրոցի վարչատնտեսական մասի համակարգող՝ կնքելով աշխատանքային պայմանագիր՝ մինչև 2028թ․ ապրիլի 7-ը։
Մարզպետ Հ․ Ղալումյանը Վ․ Մադաթյանին Սևքարի միջնակարգ դպրոցի վարչատնտեսական մասի համակարգող էր նշանակել 2024թ․ հունիսի 7-ին, նրա հետ աշխատանքային պայմանագիր էր կնքել մինչև 2028թ․ ապրիլի 7-ը։ Ինչո՞ւ Սևքարի միջնակարգ դպրոցի վարչատնտեսական մասի համակարգողի պաշտոնում մեկ տարի եւ 3 ամիս աշխատելուց հետո Վ․ Մադաթյանը դիմում տվեց՝ ազատվեց այդ պաշտոնից եւ զարմանալի արագությամբ` նույն օրը նշանակվեց Բերքաբեր գյուղի դպրոցի վարչատնտեսական մասի համակարգող։ Սեւքար գյուղից տեղեկացա, որ Վ․ Մադաթյանը Սեւքարի հարեւան Սարիգյուղի բնակիչ է, Սեւքար գյուղի փեսա, նրա համար Սեւքարի դպրոցում վարչատնտեսական մասի համակարգող աշխատելն ավելի հարմար է, քանի սահմանամերձ` Սարիգյուղից բավական հեռավորությամբ գտնվող Բերքաբերի դպրոցում։ Եվ ահա թե ինչու։
Սեւքարից հայտնեցին, որ Սեւքարի դպրոցում աշխատում են մարզպետ, արմատներով Սեւքար գյուղից Հայկ Ղալումյանի հարազատ բարեկամները, եւ նրանցից մեկին մարզպետն առաջիկայում նշանակելու է Սեւքարի դպրոցի վարչատնտեսական մասի համակարգող։ Հենց այդ պատճառով էլ մարզպետը նախ թափուր է դարձրել Սեւքարի դպրոցի վարչատնտեսական մասի համակարգողի պաշտոնը` տեղավորելով նախկին աշխատողին։ Մարզպետ Հ․ Ղալումյանը Նիկոլ Փաշինյանի դասընկերն է, նրա ամուսնության քավորը, 2021թ․ ապրիլի 8-ին վարչապետ Փաշինյանի որոշմամբ նշանակվել է Տավուշի մարզպետ։ Իջեւանում շատ լավ են հիշում, որ 2018թ․ ապրիլին Իջեւանում կայացած բազմամարդ հանրահավաքում Նիկոլ Փաշինյանը հայտարարեց` նոր Հայաստանում խնամի-ծանոթ-բարեկամով պաշտոնների չեն նշանակվելու, սակայն նրա իշխանության օրոք պաշտոնների հիմնականում հենց ԽԾԲ-ով են նշանակվում։
30-ամյա կինը հայտնել է, որ սեռական բռնության է ենթարկվել հյուրանոցում, ավտոմեքենայում ու նաև խոտերի ...
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Քաղաքական մեսի՞ջ․ այսօր՝ սրտիկներ ադրբեջանական երգի ներքո, վաղը՝ պար ադրբեջանական դուդուկի տակ
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
«Սաղիդ դոսյեները սեղանիս է, ինձ հունից չհանեք». Մխոն տեղը չի գտնում. «Իրավունք»
