Մենք հայհոյում ենք, հեր մեր, երեխա, ծնող․․․ ժողովրդավարությունը հայհոյախոսությո՞ւնն է․ Փաշինյան

Այսօր Հայաստանում ժողովրդավարության մի հսկայական մասը պարզ հայհոյախոսությունն է,  իսկ ո՞վ է ժողովրդավարությունը պաշտպանում  սրանից։ Ես չեմ տեսնում, որ Հայաստանում ժողովրդավարությունը պաշտպանող կա, Ժողովրդավարության հայկական ֆորումի ժամանակ ասաց  Նիկոլ Փաշինյանը։ 

Նրա դիտարկմամբ՝ այսօր ժողովրդավարությունը շահագործողներ շատ կան. «Մենք հայհոյում ենք, հեր մեր, երեխա, ծնող։ Քաղաքացիական հասարակությունը նույնիսկ ստիպված է արդարանալ, թե ինչի է իշխանությանը «բարև» տալիս։ Նորմալ է, արդարացեք, բայց ես քաղաքացիական հասարակությանը հարց ունեմ՝ էդ հայհոյախոսության դեմ ո՞վ է պայքարում ՀՀ-ում։

Ժողովրդավարությունը հայհոյախոսությո՞ւնն է, ժողովրդավարությունը մանկահասակ երեխաների հասցեին սեռական բնույթի հայհոյանքներ տա՞լն է, է՞դ է ժողովրդավարությունը»։