Պետք է բացառել կոռուպցիայի ցանկացած դրսևորում. ՇՄՆ էկոպարեկային ծառայության պետն այցելել է Տավուշ
ՇՄՆ էկոպարեկային ծառայության պետ Վլադիմիր Կիրակոսյանի գլխավորած աշխատանքային խմբի Տավուշի մարզ կատարած այցի շրջանակում կայացավ հերթական հագեցած հանդիպում-քննարկումը:
Այս անգամ Ծառայության պետի գլխավորությամբ անցկացվեց աշխատանքային ընդլայնված քննարկում Էկոպարեկային ծառայության Տավուշի մարզային վարչության Իջևանի և Սևքարի տեղամասերի ղեկավար կազմի և պահպանություն իրականացնող ողջ աշխատակազմի հետ:
Ողջունելով ներկաներին՝ Կիրակոսյանը նշեց, որ նախաձեռնված հանդիպում-քննարկման շարժառիթը տեղամասի աշխատակիցների կողմից իրենց աշխատանքային գործունեության ընթացքում գույքագրված խնդիրներին անձամբ տեղում ծանոթանալու, բնության հատուկ պահպանող տարածքների և անտառների պահպանության գործում Ծառայության որդեգրված աշխատելաոճը և մոտեցումը ևս մեկ անգամ ներկայացնելու ցանկությունն է:
Ծառայության պետը, խոսելով էկոպարեկային ծառայողին վերապահված առաքելության մասին, նշել է, որ 700 հազար հեկտարի պահպանություն իրականացնելը լրջագույն աշխատանք է, մեծ պատասխանատվություն է և պետք է ամեն բան անել, որ պատվով կատարենք մեր աշխատանքը:
Յուրաքանչյուր տարածաշրջան ունի իր առանձնահատկությունները և հենց դրանց քաջատեղյակ լինելով է պետք ամեն օր նախորդ օրվանից ավելի շատ ու ավելի պատասխանատվությամբ ու արդյունավետորեն աշխատել:
«Շատ կարևոր է ապօրինությունների կանխարգելումը: Այո՛, բացահայտումները ևս շատ կարևոր են, բայց մեզ համար պետք է առաջնային լինի ապօրինություն կանխելը»,- ասել է Կիրակոսյանը, ապա հավելել՝ պետք է բացառել կոռուպցիայի ցանկացած դրսևորում, ապօրինություն, որոնք կարող են խաթարել անտառների և բնության հատուկ պահպանվող տարածքների պատշաճ պահպանությունը:
Կիրակոսյանն իր խոսքում կարևորել է ազգաբնակչության հետ դինամիկ հաղորդակցումը և նրանց հետ ևս աշխատանք տանելու, իրազեկելու անհրաժեշտությունը։
«Մարդիկ պետք է գիտակցեն, որ բնությունը բոլորինս է, պետք է վերաբերվենք մեր բնությանն այնպես, ինչպես մեր ընտանիքներին, ծառ կտրելը, բնությանը վնասելը հանցագործություն է»,- ասել է Կիրակոսյանը և շեշտել, որ մեր առաքելությունը չպետք է մոռանանաք և անենք ամեն բան ապագա սերունդներին ավելի լավ շրջակա միջավայր և հարուստ կնեսաբազմազանություն փոխանցելու համար։
Հաջորդիվ հարց ու պատասխանի ձևաչափով ներկայացվել են աշխատանքային գործունեության ընթացքում գույքագրված խնդիրները, քննարկվել են հնարավոր լուծումները:
Վերին Լարսը փակ է. Վրաստանը տարհանում է տեղի բնակիչներին (տեսանյութ)
Մեր պետական կառույցներում չգիտե՞ն, թե փայլաթիթեղն ինչ նպատակով կարող է օգտագործվել Ադրբեջանում
Ադրբեջանը Հայաստանի գյուղերում ուսումնասիրություն է իրականացրել, որում Արարատի Նորամարգ գյուղը ներկա...
Դալար գյուղում ոստիկանը վրաերթի է ենթարկել կնոջն ու նրա 6-ամյա որդուն և դիմել փախուստի. գործը փորձու...
Շոու-բիզնեսով զբաղվողի ու իրական արտիստի սահմանը. արժեքներ, որոնք փողով չեն չափում
Չամարձակվեք այլևս Ծառուկյանի անունը տալ, դուք «պրավալ» տվեցիք, հիմա փորձում եք մեղքը գցել Ծառուկյանի...
Ինչո՞ւ են «Գարդիան» գրուպի մրցակից պահնորդներին զենքի քննությունից «աջ ու ձախ կտրում». ի՞նչ կապ ունի...
Կարծում եք՝ պատից նկարը հանելով՝ հերոսի՞ն էլ եք ջնջելու. ջնջել են Ալբերտ Հովհաննիսյանի նկարը
Պարգևավճարներ՝ «յուրայիններին». կոռուպցիոն ռիսկեր և կամայականություն՝ Աբեղյանի անվան գրականության ին...
Ուկրաինան անօդաչուներով հարձակվել է Ռուսաստանի ուղղությամբ. Կրասնոդարում այրվում է նավթաբազա
