Հիմա այն պահն է, որ պետք է մի կողմ դնել բոլոր հակասությունները. Գառնիկ Դանիելյան

«Հիմա այն պահն է, որ պետք է մի կողմ դնել բոլոր հակասությունները, գաղափարական տարբերությունները և ի վերջո համախմբվենք»,- «Մեր ձևով» շարժման երթից հետո լրագրողների հետ զրույցում ասաց ԱԺ «Հայաստան» խմբակցության պատգամավոր Գառնիկ Դանիելյանը։

Նրա համոզմամբ, այն, ինչ պայքարի դուրս են եկել, մեկ ուժի, մեկ անձի անելիք խնդիր չէ. «Բոլոր սոցիոլոգիական հարցումները ցույց են տալիս, որ հավաքական ընդդիմությունը ճնշող մեծամասնություն է, դրանից պետք է հետևություններ անել։ Իմ կոչն է՝ չթիրախավորել իրար, չվարկաբեկել»։