Չենք մասնակցելու այս կեղծ խաղին, չենք ընդունելու դավաճանի նոր դիմակը՝ «ընդդիմության» անվան տակ․ «ՔՈՉԱՐԻ» կուսակցություն

ՔՈՉԱՐԻ ազգային վերածնունդ և ազգի զարթոնք կուսակցության վարչությունը հայտարարություն է տարածել, որում մասնավորապես ասվում է․

 

Այսօր մենք ականատես ենք դառնում մի վտանգավոր գործընթացի, երբ պետության, Սահմանադրության և Հայրենիքի դեմ դավաճանությունը փորձում են լեգիտիմացնել ընդդիմադիր կերպարի տակ։

 

Այն մարդիկ, ովքեր տարիներ շարունակ խախտել են Սահմանադրության մի քանի հոդվածներ, զիջել են հողեր, հանձնել են սահմաններ և ստորագրել խայտառակ փաստաթղթեր, այսօր հանրահավաքների հարթակներից փորձում են կրկին վերադառնալ՝ հայտարարելով, որ Նիկոլին կամ ՔՊ-ին նորից պետք է դարձնեն ընդդիմություն։

 

Սակայն մենք հստակ ասում ենք՝

 

դավաճանը ընդդիմություն չի դառնում, դավաճանը կանգնում է Հայոց Տրիբունալի առջև։

 

Արդարությունը չի կարող փոխարինվել բեմականացված քաղաքական դերերով։

 

Երբ հող հանձնողին ընդդիմություն ես դարձնում, երբ Սահմանադրություն խախտողին հնարավորություն ես տալիս նորից խոսել ժողովրդի անունից, երբ մեղադրյալներին նստեցնում ես «փրկիչների» տեղում՝ դա ոչ թե ժողովրդավարություն է, այլ՝ իշխանության տրանզիտի բեմականացում, ժողովրդի հերթական խաբեություն։

 

Թող բոլորը հիշեն՝ Ռուբեն Վարդանյանը նույնպես Արցախում մեծ հանրահավաք էր կազմակերպել, ժողովրդին խոստանալով անվտանգություն և նոր սկիզբ, բայց ընդամենը մի քանի օր անց Արցախը այլևս չկար։ Սա պատահականություն չէր, սա էր նույն սխեման՝ ժողովրդի հավատը դարձնել քաղաքական բեմականության գործիք։

 

Հանրահավաքները մի քանի օրում մարելու են՝ ցրտի ու կազմակերպչական ակնհայտ թերությունների պատճառով։

 

Դուք, գիտակցելով տևական դժգոհությունն ու հասարակական լարվածությունը, պարզապես կազմակերպում եք ցույցեր և հանրահավաքներ՝ որպեսզի շարժումն աստիճանաբար մարի, իսկ իրադարձությունները հանգուցալուծվեն բեմականացված և վերահսկված ձևով՝ ձեր շահերին ծառայեցնելու համար։

 

Ձեր պես հակապետական «ընդիմություններին» պետք է դիմակայել ու պարտադրել նրանց պատասխանատվությունը թե քաղաքականապես, թե օրենքի շրջանակներում՝ բացահայտելով նրանց հանցավոր կառավարման մեթոդները և դարձնելով հաշվետու ժողովրդին ու դատարաններին։

 

ՔՈՉԱՐԻ ԱԶԳԱՅԻՆ ՎԵՐԱԾՆՈՒՆԴ ԵՎ ԱԶԳԻ ԶԱՐԹՈՆՔ հստակ դիրքորոշում ունի․

 

Մենք չենք մասնակցելու այս կեղծ խաղին։

 

Մենք չենք ընդունելու դավաճանի նոր դիմակը՝ «ընդդիմության» անվան տակ։

 

Եվ մենք երբեք չենք թույլ տալու, որ արդարության տեղը զբաղեցնի քաղաքական հաշվարկը։

 

Մեր նպատակն' իշխանություն վերցնելը չէ, այլ՝ իշխանությունը վերադարձնելն է ժողովրդին, և մենք լինելու ենք ժողովրդի խոնարհ ծառաները։

Մեր պայքարը ոչ թե դեմ է անձին, այլ՝ հանուն պետության, հանուն արդարության և հանուն հայրենիքի։

---