Ստորագրահավաքից մինչև հանրահավաքներ կուտակայինի պայքարը վերսկսվում է. (տեսանյութ)
Պարտադիր կուտակային կենսաթոշակային համակարգին փոխարինելու եկած՝ սոցիալական պարտադիր վճարի համակարգին ընդդիմացող քաղաքացիները նախաձեռնել են ստորագրահավաք և առաջիկայում նամակով դիմելու են Հովիկ Աբրահամյանին ՝ պահանջելով վերացնել պարտադիր բաղադրիչը:
Ստորագրահավաքը նախաձեռնողներից է նաև «Դեմ եմ» շարժման ակտիվիստ Սերժ Ղահրամանյանը: Newspress.am-ի հետ զրուցում նա նշեց, որ ՍԴ երկու որոշումները լիարժեք չեն կատարվել, ուստի իրենց հիմնական պահանջն ու թիրախը այն է, որ որոշումները ներառվեն օրենքների մեջ և քաղաքացին իր հայեցողությամբ տիրապետի սեփական միջոցները:
«Մնացած այլ դրույթները, որտեղ խտրականություն է դրված, հիմնականում նշվածի հետևանքն է, օրինակ տարիքային խտրականությունը և մասնավոր, և ոչ մասնավոր ոլորտի խտրականությունը», -մանրամասնեց ակտիվիստը:
Սերժ Ղահրամանյանը նաև ասաց, որ չի բացառվում, որ ստորագրահավաքին միանան նաև որոշ կուսակցություններ:
Պատախանելով այն դիտրկմանը, թե արդյոք պայքարի սառեցումից հետո հնարավոր կլինի ակնկալել, որ նոր փուլը կարող է արդյունավետ լինել, ակտիվիստը նշեց, որ պայքարի ընթացքում կարող է գագաթնակետ և վայրիվերում լինի, բայց այն կարող է կրկին թափ առնել:
«Քանի որ երեք տարի հետաձգեցին դա, ևս ինչ-որ չափով շարժումը հանգեցնում էր սառեցման: Մենք դեռևս անում ենք այն, ինչ նախկինում արել ենք, նախորդ անգամ հանպատրաստից, ներկայումս փորձ ունենք»,-շեշտեց ակտիվիստը:
Սոցիալական պարտադիր վճարն այսօր գործում է՝ տարածվելով աշխատաշուկա նոր մուտք գործողների և պետական սեկտորի աշխատողների վրա: 2017 թ-ի հուլիսի 1-ից, այն կտարածվի արդեն 1974 թվականի հունվարի 1-ից հետո ծնված բոլոր աշխատող քաղաքացիների (այդ թվում՝ մասնավոր սեկտորում ընդգրկված) վրա, ուստի ակտիվիստը կարծում է, որ պայքարի նոր փուլի մեկնարկի ժամանակահատվածը ճիշտ է ընտրված և եթե վարչապետը ի օգուտ քաղաքացիների որոշում չկայացնի ստորագրահավաքից կհասնեն մինչև հանրահավաքների և այլ գործողությունների:
Մանրամասները՝ տեսանյութում
