Դեղինը սևի հետ ինքնասպանության գույն  է դառնում, ինչպես մեղվինն է․ մեղուն էլ է խայթում ու ինքնասպան լինում․ հոգեբանի վերլուծությունը

Նիկոլ Փաշինյանը տևական ժամանակ է՝ ամեն առավոտ «սրտիկներ է ուղարկում» քաղաքացիներին՝ տարբեր երգերի ներքո։ Այս անգամ նա իր սիրային զեղումները համեմել է նոր ատրիբուտով՝ դեղին վարդով։ 

Aysor.am-ը հոգեբանի հետ փորձել է վերլուծել Փաշինյանի վերջին շրջանի պահվածքը։

«Դեղին գույնը համարվում է ուշադրություն գրավող գույն, դրա համար էլ խորհրդային շրջանում և շատ երկրներում ոստիկանության մեքենաները ներկում էին դեղին։ Եթե տվյալ դեպքում կոստյումը սև գույն է, ապա դեղինը սևի հետ, եթե հոգեբանորեն նայենք, ինքնասպանության գույն  է դառնում, ինչպես մեղվինն է։ Մեղուն էլ է խայթում ու ինքնասպան լինում։ Այս փուլում չեմ կարող ու չեմ էլ ուզում վերլուծել Փաշինյանի հոգեվիճակը, քանի որ վերլուծելու համար մարդու հանդեպ պետք է կարեկցանք, էմպատիա ունենաս, որը ես չեմ կարող ունենալ նրա նկատմամբ»,-Aysor.am-ի հետ զրույցում ասել է հոգեբան Միհրդատ Մադաթյանը։

Նրա խոսքով՝ այսօր Փաշինյանն արենայից դուրս է մնացել, այլևս ոչ մի ձև չի կարողանում ժողովրդի հետաքրքրությունը գրավել։ Փորձում է այս կերպ գրավել մարդկանց ուշադրությունը՝ սրտիկով, ժեստերով, վարդով.

«Սրա վառ ապացույցն էր Հովհաննավանքում տեղի ունեցածը, որը կազմակերպեց Փաշինյանը։ Դա պատարագ կոչել չի կարելի, սրբապղծություն է։ Շատ քիչ մարդ եկավ, նույնիսկ՝ իր թիմից։ Դա ապացուցեց, որ իր թիմում շատերը չեն կիսում իր համոզմունքները։ Այսինքն՝ ժողովրդավարության մասին խոսելն անիմաստ է դառնում, և հաջորդ ընտրություններում անխուսափելիորեն պարտության գնալու խնդիր ունեն։ Հիմա նա խնդիր ունի մի կերպ մարդկանց ուշադրությունը գրավելու։ Օրինակ՝ չեմ զարմանա, որ վաղը որոշի շալվարն իջացնել ու առավոտյան ռիլն այդպես նկարել, ասելով՝ «ալե- հոպ»։ Սա էլ կլինի տարբերակ»։

Մասնագետի դիտարկմամբ՝ ուշադրությունը գրավելու տարբեր ձևեր կան. «Օրինակ՝ կան ժեստեր, որոնք մարդիկ անում են, և դրանք հարգանքի արժանի են։ Եթե, օրինակ, փողոցով մի 60 տարեկան տկլոր տղամարդ էլ անցնի, ուզենք-չուզենք կնայենք նրան»։

Հոգեբանը նկատում է՝ կրծքային գրպանում ծաղիկ դնում են որոշակի արարողությունների ժամանակ,  օրինակ՝ հարսանիքի. «Երբեք կոստյումի գրպանում ծաղիկ չեն դնում ու գնան աշխատանքի։ Ակնհայտ երևում է, որ հատուկ քայլ է արվել՝ ուշադրություն գրավելու համար։ Եկեք ուղղակի ֆիքսենք, որ Փաշինյանը դարձել է ցածր կլասի տիկտոկեր, այս երկիրն ապրում է տիկ-տոկի մեջ, կառավարության  նիստերը տիկ-տոկի մաս են կազմում»։

Նյութն ամբողջությամբ՝ սկզբնաղբյուր կայքում