Ֆիլիպիններին նոր, ավելի հզոր թայֆուն է մոտենում

Ֆիլիպիններում «Կալմաեգի» թայֆունի հետևանքով առնվազն 140 մարդ է մահացել:

Ըստ Ֆիլիպինների աղետների կառավարման գործակալության, ևս 127 մարդ դեռևս անհետ կորած է համարվում, ավելի քան 430 հազարը ստիպված է եղել լքել իր տունը:

Նոյեմբերի 5-ին Ֆիլիպիններին հարվածած թայֆունն ուղեկցվել է փոթորկի ուժգնությամբ քամիներով, հորդառատ անձրևներով և մի քանի մետրանոց ալիքներով։ Ֆիլիպինների Pagasa օդերևութաբանական ծառայության տվյալներով՝ փոթորիկը թուլացել է, բայց քամու պոռթկումները դեռևս հասնում են ժամում մոտ 180 կիլոմետր արագության։

Միևնույն ժամանակ, օդերևութաբանները հայտնել են, որ Ֆիլիպիններին է մոտենում նոր արևադարձային ցիկլոն։ Այն կարող է ցամաք հասնել ուրբաթ կամ շաբաթ օրը և հանգստյան օրերին վերածվել սուպերթայֆունի՝ ժամում առնվազն 240 կիլոմետր քամու արագությամբ հզոր արևադարձային փոթորկի։