Կանխամտածված սպանության համար Հայաստանում քրեական գործ է հարուցվել չեչեն կնոջ սպանության մեջ կասկածվողների դեմ

Հայաստանում քրեական գործ է հարուցվել չեչեն կնոջ Այշատ Բայմուրադովայի սպանության մեջ կասկածվողների դեմ։ Այս մասին  հայտնում է Դոժդ գործակալությունը՝ փոխանցելով SOS ճգնաժամային խմբի հարցման պատասխանը։

Նշվում է, որ ՀՀ քննչական կոմիտեն գործ է հարուցել կանխամտածված սպանության համար։

Իրավապահ մարմինները պնդում են, որ գործը հարուցված է երկու անձանց դեմ, որոնց նկատմամբ միջնորդագրված կալանք է կիրառվել որպես խափանման միջոց, և նրանք որոնվում են։ Չի նշվում, թե կոնկրետ ինչ անձանց մասին է խոսքը։

ՔԿ SOS-ը գրել է, որ «քննիչները ճանաչում են այդ անձանց», սակայն նրանք նախկինում հետախուզվողների ցուցակում չեն եղել, և հնարավոր է, որ լքել են Հայաստանը։

«Օստորոժնո Նովոստի»-ի փոխանցմամբ՝ մահացածի հարազատներին հղումով, Բայմուրադովայի սպանությանը կարող է ներգրավված լինել 30-ամյա չեչեն Սաիդ-Խամզատ Բայսարովը։ Ասում են, որ քննիչներն արդեն հարցաքննել են վկաներին, խուզարկել են Բայմուդարաովայի սպանության վայրում գտնվող բնակարանը և սկսել են դատաբժշկական գենետիկական փորձաքննություն։

Նշենք, որ Այշատ Բայմուդարաովան Ռուսաստանից մեկնել էր Հայաստան ընտանեկան բռնության պատճառով։ Նա հոկտեմբերի 15-ի երեկոյան չէր վերադարձել Երևանում զբոսանքից։  Հոկտեմբերի 20-ին ոստիկանությունը հայտնել է, որ նրան մահացած են գտել քաղաքի կենտրոնում գտնվող վարձակալած բնակարանում։

Հայ իրավապաշտպանները պահանջում են Այշատ Բայմուդարաովայի սպանության անկախ և թափանցիկ հետաքննություն։ Նրանք նշել են, որ Բայմուդարաովայի մահը հիշեցում է այն մասին, որ «բռնությունից փախչող կանայք դեռևս լիովին անվտանգ չեն նույնիսկ այն վայրերում, որտեղ նրանք պաշտպանություն են փնտրում»։