Պարոն Ավինյան, երեկոյան «popcorn»-ով ձեզ հրավիրում եմ իմ TikTok-յան էջը դիտումների. Մեսրոպ Մանուկյան

«Պարոն Գրիգորյան, պարոն Ավինյան, այսօր երեկոյան, կամ վաղը «popcorn»-ով ձեզ հրավիրում եմ իմ TikTok-յան էջը դիտումների, թե ինչ ստեր եք ասել դուք նախընտրական քարոզարշավին»,-Ավագանու նիստում հայտարարեց Ավագանում «Մայր Հայաստան» խմբակցության անդմա Մեսրոպ Մանուկյանը։

 Նա հիշեցրեց, որ քարոզարշավի ժամանակ ՔՊ-ն խոսք էր տվել, որ 2025 թվականին չվերականգնված չվերանորոգված մանկապարտեզ չի լինելու։

 «TikTok-ում նստեք, «popcorn»-ով նայեք, բայց տնեցիների հետ չնայեք,  կարող է ձեր դուրը չգա։ դուք ձեր «բաբլի» մեջ՝ ձեր ժողովրդով նստեք ու նայեք, թե ոնց եք ասել ու խաբել այգիների հարցում»,-հայտարարեց Մանուկյանը և նշեց, որ չի տեսել, որ Հաղթանակի 40-ամյակի այգում իշխանություններն իրենց ընտանիքներով գնան զբոսնեն։

Նա նշեց, թե պարզել է, որ Մերգելյանի այգին էլ քաղաքապետարանը չի կառուցել, ինչքան էլ գլուխ գովան, այլ մասնավորն է կառուցել։

 «ՔՊ-ին վերագրվում է, որպես սուտ խոստումներ տվող կուսակցություն։ Աջափնայակի մետրոյի արև, սուտ բաներ եք խոսք տվել։ Կիրովականի ավտոյի զավոդի արև, կամ տելեվիզորի գործարանի, որ «ստեղծել» եք։ Եթե սկսեմ ՔՊ-ի ստերն ասել, ծայրը չի երևա։ Նորույթ կլինի, որ ձեզ ասեմ ստախոս, որ ասել ու չեք արել»,- հայտարարեց Ավագանու անդամը։

 Նա նշեց, որ 64 անգամ ասել է,որ Երևանի տրանսպորտի երթևեկությունը պետք է «Սմարթ» կարգավորի և միայն 64-րդ անգամից հետո է քաղաքապետարանը հասկացել ու այսօրվա ավագանու նիստում նախագիծ ներկայացրել։

 «Ես չեմ է՝ այլ ձեր իշխանությունն է գնացել Ամասիայում և Գետք գյուղում և Գուսանայում դպրոց ուզում փակել։ Դպրոց եք փակում փոխարենը, պասպորտ սեղան ու վայենկոմատ եք անում, մարդու կյանքի որակը գցում եք և ստիպված այնտեղ ապրող գյուղացին ասում է՝ գնամ Երևան ապրեմ, որ իմ երեխան մանկապարտեզ կարողանա գնա։ Էս եք դուք»,-ասաց Մանուկյանը։

Ավագանու նիստը վարող Արմեն Փամբուխչյանն էլ ասաց, թե ՔՊ-ի արածի գնահատականը տալիս է ժողովուրդը, ինչպես այն արեց Վաղարշապատում։