Ամենադժվար հարցերից մեկը վաղուց այն է, թե ով է վերահսկելու TRIPP միջանցքը. Ատլանտյան խորհրդի Եվրասիայի կենտրոնի ավագ տնօրեն Ջոն Հերբստ

Ամենադժվար հարցերից մեկը վաղուց այն է, թե ով է վերահսկելու TRIPP միջանցքը։ Այս մասին լրագրողներին ասել է Ատլանտյան խորհրդի Եվրասիայի կենտրոնի ավագ տնօրեն Ջոն Է. Հերբստը Բաքվում կայացած առաջին Ադրբեջան-ԱՄՆ վերլուծական կենտրոնների ֆորումի շրջանակներում։ Ըստ նրա, Թրամփի վարչակազմը ցուցաբերել է քաղաքական կամք՝ Հարավային Կովկասում երկարատև խաղաղություն խթանելու համար։

«Ահա թե ինչու նա օգոստոսին հրավիրեց նախագահ Իլհամ Ալիևին և վարչապետ Նիկոլ Փաշինյանին Սպիտակ տուն։ Այդ հանդիպման ժամանակ կողմերը մի շարք կարևոր համաձայնությունների հասան, որոնք, իմ կարծիքով, ամրապնդեցին Բաքվի և Երևանի միջև խաղաղություն ապահովելու ջանքերը։ Հնարավոր է՝ նախագահ Թրամփի ամենակարևոր ներդրումը եղել է նրա աշխատանքը տրանսպորտային միջանցքի վերաբերյալ, որը Ադրբեջանն ու Հայաստանը քննարկում են երկար տարիներ», - նշել է Հերբստը։ Փորձագետը նշել է, որ ամենադժվար հարցերից մեկը վաղուց այն է, թե ով է վերահսկելու այս միջանցքը։

«Եթե ԱՄՆ-ն ստանձնի դրա շահագործման պատասխանատվությունը, ապա էքստրատերիտորիալության հարցը կդառնա երկրորդական։ Սա հսկայական ներդրում է Հարավային Կովկասում խաղաղության մեջ», - ասել է Ջոն Հերբստը։ Նա հավելեց, որ սա ինքնին միջանցք չէ, այլ մեխանիզմ, որը կարող է հզոր խթան հաղորդել Ադրբեջանի, Հայաստանի, Թուրքիայի և Կենտրոնական Ասիայի երկրների միջև առևտրին և ներդրումներին Միջին միջանցքի շրջանակներում, որը տարածաշրջանային ապրանքներին հասանելիություն է ապահովում դեպի եվրոպական շուկաներ։ Իմ կարծիքով, սա Թրամփի թիմի ամենակարևոր նվաճումն է ոչ միայն Ադրբեջանի, այլև Հայաստանի և Թուրքիայի հետ հարաբերություններում», - ընդգծել է նա։

Մասնագետը նաև նշել է,  ԱՄՆ ղեկավարության կողմից Հարավային Կովկասի, Ադրբեջանի և Կենտրոնական Ասիայի նկատմամբ դրական և կառուցողական մթնոլորտը ուշադրության է արժանի: