Շատ վտանգավոր ճանապարհի վրա են կանգնել, որի գլխավոր հետևանքը լինելու է պետականության վերացումը. ընդվզում է պետք. Լևոն Զուրաբյան

«Պետության թիրախում իրականում հայտնվել են Հայաստանի բոլոր քաղաքացիները»,-«Իշխանության գրոհը սահմանադրական ազատությունների դեմ և մեր պատասխանը» թեմայով հանրային ֆորումն ասաց ՀԱԿ փոխնախագահ Լևոն Զուրաբյանը։

Ըստ նրա,  հայտնվել ենք մի վիճակում, երբ որ Հայաստանի իշխանությունները Նիկոլ Փաշինյանի գլխավորությամբ սկսել են զանգվածային արշավանք, որն ուղղված է ոչ այնքան եկեղեցու, կոնկրետ մարդկանց դեմ, ուղղված է Հայաստանում  դեմոկրատական ազատությունների, օրինականության սկզբունքի դեմ։

«Մարդիկ կարող են տարբեր հայացքներ ունենալ, բայց մեկ հարցում  համերաշխությունը պետք է ապահովված լինի՝ երկրում պետք է գործի Սահմանադրություն, օրինականություն, մարդու իրավունքները։ Այս հարցում բոլորս կարող ենք միավորվել։

Սա վերկուսակցական, վերկրոնական խնդիր է, որի շուրջ բոլորս պետք է միավորվենք։ Եթե իշխանությունը չտեսնի հանրության ընդվզումը,  արգելափոկող ռեակցիան, նրանք խորացնելու են սա, արդեն շատ վտանգավոր ճանապարհի վրա են կանգնել, որի գլխավոր հետևանքը լինելու է  սկզբում օրինականության, դրա հետ մեր պետականության վերացումը»,- ասաց Լևոն Զուրաբյանը։