Հաքան Ֆիդանը առաջին անգամ մանրամասն բացատրել է, թե ինչու Թուրքիան չի բացում իր սահմանը Հայաստանի հետ
Թուրքիայի արտաքին գործերի նախարար Հաքան Ֆիդանը առաջին մանրամասն բացատրությունն է տվել այն մասին, թե ինչու Անկարան չի բացում իր սահմանը Հայաստանի հետ մինչև Բաքվի և Երևանի միջև վերջնական խաղաղության համաձայնագրի ստորագրումը։ Արտգործնախարարը բացատրությունները տվել է Խորհրդարանական ծրագրերի և բյուջեի հանձնաժողովի նիստում, որտեղ քննարկվել է Արտաքին գործերի նախարարության ֆինանսավորումը։
Ֆիդանը կրկին նշել է, որ Թուրքիայի դիրքորոշումը մնում է անփոփոխ. Երևանի հետ հարաբերությունների կարգավորումը հնարավոր է միայն երկու հարավկովկասյան երկրների միջև վերջնական խաղաղության համաձայնագրի ստորագրումից հետո։ Նա հավելել է, որ Անկարան լավ հասկանում է Հայաստանի դրդապատճառները, քանի որ նրա համար կարևոր է վերականգնել տնտեսական կապերը, բացել սահմանները և դուրս գալ արտաքին քաղաքական մեկուսացումից։ Այնուամենայնիվ, նախարարը ընդգծել է, որ սահմանների վաղաժամկետ բացումը իրական ռիսկեր է պարունակում։
«Եթե Թուրքիան կարգավորի հարաբերությունները Հայաստանի հետ մինչև խաղաղության համաձայնագրի կնքումը, Երևանը կկորցնի Բաքվի հետ բանակցություններն ավարտելու հիմնական խթանը», - նշել է Ֆիդանը։
«Եվ մենք չենք ուզում սառեցված հակամարտություն Հարավային Կովկասում»,-նշել է նա:
Ըստ Թուրքիայի արտաքին գործերի նախարարի՝ անորոշության պայմաններում սահմանների բացումը կստեղծի մի իրավիճակ, երբ Հայաստանը կարող է հետաձգել գործընթացը կամ նույնիսկ ընդհանրապես հրաժարվել համաձայնագրից՝ տարածաշրջանը վերադարձնելով մշտական քաղաքական փակուղու։ Ֆիդանը նաև հիշեցրել է, որ օգոստոսի 8-ին Ադրբեջանն ու Հայաստանը Վաշինգտոնում նախաստորագրել են խաղաղության համաձայնագրի տեքստը, սակայն երկու հիմնական հարց մնացել են չլուծված՝ Զանգեզուրի միջանցքով անարգել տեղաշարժի ապահովումը և Հայաստանի Սահմանադրության փոփոխությունը, որը դեռևս պարունակում է դրույթներ, որոնք հակասում են Ադրբեջանի սահմանների ճանաչմանը։
«Եթե այս հարցերը լուծվեն, Թուրքիան կբացի սահմանը», - վստահեցրել է նախարարը խորհրդարանականներին՝ ընդգծելով, որ այն տարածքը, որով պետք է անցնի Զանգեզուրի միջանցքը, պատկանում է Հայաստանին, և դրա բացման նախաձեռնությունը եկել է Ադրբեջանից։
Անկարան, ըստ Ֆիդանի, աջակցում է գործընթացին, քանի որ նրան անհրաժեշտ են ուղիղ ցամաքային կապեր Նախիջևանի և հետագայում՝ Կենտրոնական Ասիայի հետ։ Ներկայումս Թուրքիան ստիպված է տարանցիկ առևտուր իրականացնել Վրաստանի և Իրանի միջով:
Վերին Լարսը փակ է. Վրաստանը տարհանում է տեղի բնակիչներին (տեսանյութ)
Մեր պետական կառույցներում չգիտե՞ն, թե փայլաթիթեղն ինչ նպատակով կարող է օգտագործվել Ադրբեջանում
Ադրբեջանը Հայաստանի գյուղերում ուսումնասիրություն է իրականացրել, որում Արարատի Նորամարգ գյուղը ներկա...
Դալար գյուղում ոստիկանը վրաերթի է ենթարկել կնոջն ու նրա 6-ամյա որդուն և դիմել փախուստի. գործը փորձու...
Շոու-բիզնեսով զբաղվողի ու իրական արտիստի սահմանը. արժեքներ, որոնք փողով չեն չափում
Չամարձակվեք այլևս Ծառուկյանի անունը տալ, դուք «պրավալ» տվեցիք, հիմա փորձում եք մեղքը գցել Ծառուկյանի...
Ինչո՞ւ են «Գադիան» գրուպի մրցակից պահնորդներին զենքի քննությունից «աջ ու ձախ կտրում». ի՞նչ կապ ունի ...
Կարծում եք՝ պատից նկարը հանելով՝ հերոսի՞ն էլ եք ջնջելու. ջնջել են Ալբերտ Հովհաննիսյանի նկարը
Ուկրաինան անօդաչուներով հարձակվել է Ռուսաստանի ուղղությամբ. Կրասնոդարում այրվում է նավթաբազա
Պարգևավճարներ՝ «յուրայիններին». կոռուպցիոն ռիսկեր և կամայականություն՝ Աբեղյանի անվան գրականության ին...
