Իսրայելից պահանջում են փակել Թուրքիայի հյուպատոսությունները
Իսրայելական «Jerusalem Post»-ում հրապարակված հոդվածի համաձայն՝ Իսրայելի սփյուռքի նախարար Ամիհայ Շիկլին կառավարության նիստում դիմել է վարչապետ Բենիամին Նեթանյահուին՝ պահանջելով փակել Երուսաղեմում և Թել Ավիվում գործող Թուրքիայի հյուպատոսությունները, ինչպես նաև դադարեցնել «Թուրքական համագործակցության և կոորդինացման գործակալության» (TİKA) գործունեությունն Իսրայելում։
Նշվում է նաև, որ Շիլին Էրդողանի քայլերը համեմատել է թշնամական պետության առաջնորդի գործողությունների հետ։
Բացի այդ պարբերականում հիշեցվել է, որ նախքան 2023-ի հոկտեմբերի 7-ը, երբ իսրայելա-պաղեստինյան հակամարտությունը նոր արյունահեղ փուլ թևակոխեց, Անկարայի ու Թել Ավիվի հարաբերությունները սկսել էին կարգավորվել, կողմերը փոխանակվել էին դեսպաններով, իսկ Էրդողանն ու Նեթանյահուն հանդիպել էին ՄԱԿ գլխավոր ասամբլեայի շրջանակում, սակայն հոկտեմբերի 7-յան դեպքերից ի վեր Անկարայում Իսրայելի դեսպանատունը փակ է, իսկ Ստամբուլի հյուպատոսությունը գործում է ընդհատումներով։
Նշվում է, որ Թուրքիան պաշտոնապես հայտարարել էր Իսրայելի հետ առևտրի դադարեցման մասին 2024-ի ապրիլին, սակայն շարունակել է մնալ Իսրայելի 5-րդ ամենախոշոր ներմուծող երկիրը՝ 2,86 միլիարդ դոլարի ծավալով, իսկ 2025-ի հունվար–մայիս ամիսներին Թուրքիայից Իսրայել է արտահանվել շուրջ 394 միլիոն դոլարի ապրանք՝ երրորդ երկրների կամ պաղեստինցի միջնորդների միջոցով։
Հոդածում անդրադարձ է կատարվել նաև ԱՄՆ նախագահ Դոնալդ Թրամփի՝ «Մուսուլման եղբայրներ» կազմակերպությանը «Օտար ահաբեկչական կազմակերպություն» ճանաչելու պլանների մասին հայտարարությանը՝ շեշտելով, որ այն նոր «երանգ» է հաղորդելու թուրք-ամերիկյան հարաբերություններին։
Տարբեր լուրերի համաձայն՝ «Մուսուլման եղբայրներ» կազմակերպության գործունեությունը կապվում է Թուրքիայի հետ, իսկ Իսրայելը պնդում է, որ Թուրքիան վստահաբար աջակցում է վերջիններիս
Նշվել է, որ այս հայտարարությունը Նեթանյահուն ևս ողջունել է և ընդգծել, որ կազմակերպության որոշ թևերի ճանաչում ու շարունակելու է ճանաչել որպես անօրինական։ Շեշտվել է նաև, որ ԱՄՆ-ի կողմից նման որոշման ընդունմամբ կարող է ալիբի ստեղծվել «TİKA»-ի գործունեությունն Իսրայելում դադարեցնելու համար։
Հոդվածում իրադարձությունների մասին գնահատականներն ամբողջացվել են հետևյալ կերպ․ «Եթե Թուրքիան ցանկանում է Իսրայելում օպերացիոն մուտք ունենալ, նախ պետք է չեզոքացնի ՀԱՄԱՍ-ի օպերացիոնալ մուտքը Թուրքիայում»։
Թուրքական մամուլում հոդվածում տեղ գտած արտահայտություններն ու տեսակետները կապվել են Թուրքիայի նախագահ Ռեջեփ Թայիփ Էրդողանի հայտարարությունների հետ, որտեղ վերջինս ասել էր, թե Անկարան մտադիր է միանալ Պաղեստինի Գազայի հատվածում ստեղծվելիք միջազգային խաղաղապահ ուժին։ Թուրքական մեդիադաշտում հոդվածին կատարված անդրադարձը վերնագրվել է հետևյալ կերպ․ «Իսրայելում արձագանքել են Գազայի վերաբերյալ Թուրքիայի ծրագրին»։
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
