Կրոնշտադտի «Հայրենասեր» զբոսայգում տեղի ունեցավ ծովակալ Իսակովի կիսանդրու բացման արարողությունը

Նոյեմբերի 28-ին Կրոնշտադտի «Հայրենասեր» զբոսայգում տեղի ունեցավ խորհրդային ականավոր զորահրամանատար, ԽՍՀՄ նավատորմի ծովակալ Իվան Ստեպանովիչ Իսակովի կիսանդրու բացման հանդիսավոր արարողությունը։

Միջոցառմանը ներկա էին ռուս և հայ խորհրդարանականներ, Ռուսաստանի ռազմածովային ուժերի գլխավոր շտաբի, քաղաքի վարչակազմի ներկայացուցիչներ:

Իր ելույթում Ռուսաստանի Դաշնության Դաշնային ժողովի Դաշնության խորհրդի նախագահի տեղակալ Յու. լ. Վորոբյովը նշել է․ «Ինձ համար մեծ պատիվ է մասնակցել Կրոնշտադտում Իսակով Իվան Ստեպանովիչի հուշարձանի բացմանը։ Այս մարդու պատմությունը մեզ լավ հայտնի է։ Վաստակավոր ռազմական առաջնորդ, մարդ, ով երազում էր նավատորմի հրամանատար դառնալ, և նա դարձավ այն։ Հայաստանի Հանրապետության Ազգային ժողովի նախագահի տեղակալ Ա. Վ. Արշակյանն իր հերթին ընդգծել է․ «Նրա անունը հավերժ մնաց նավատորմի պատմության մեջ և դարձավ ազգային հիշողության մի մասը՝ որպես տոկունության խորհրդանիշ, որը ոգեշնչում է նավաստիների սերնդին»:

Հայրենական Մեծ պատերազմի տարիներին Ի. Ս. Իսակովը մասնակցել է Բալթյան երկրների, Լենինգրադի, Ղրիմի և Կովկասի պաշտպանության ռազմական գործողությունների պլանավորմանը։ Արժանացել է Խորհրդային Միության Հերոսի կոչման։ Պարգևատրվել է Լենինի 6, Կարմիր դրոշի 3 շքանշաններով, ինչպես նաև բազմաթիվ մեդալներով և արտասահմանյան շքանշաններով: