«Քարերի սիմֆոնիա» բնության հուշարձանի տարածքում սեփականաշնորհված հողատարածքը վերադարձրեցին ՇՄՆ-ին

«Նախագծով Գառնի համայնքի սեփականություն հանդիսացող 0.11 հա մակերեսով հողամասի նվիրատվությամբ փոխանցվում է ՀՀ-ին»,- կառավարության նիստում զեկուցեց

ՏԿԵ նախարարաի տեղակալ Արմեն Սիմոնյանը։

Փոխնախարարը նշեց, որ կոտայքի մարզի դատախազը գրությամբ դիմել էր Կադաստրի կոմիտեին, տեղեկացնելով, որ դատախազության կատարած ուսումնասիրության արդյունքում պարզվել է, որ  տվյալ հողամասի նկատմամբ գրանցվել է համայնքի, ապա քաղաքացու սեփականության իրավունք։

 «Համայնքի ղեկավարին ուղղված միջնորդագրի արդյունքում գույքի նկատմամբ վերականգնվել է համայնքի սեփականությունը։ Հիմք ընդունելով համայնքի ավագանու որոշումը և Կոտայքի մարզի դատախազության գրությունը, առաջարկվում է, ընդունել գույքի նվիրատվությունը Հայաստանի հանրապետությանը, և գույքն ամրացնել ՇՄՆ-ին հետագա ապօրինի օտարումը կամ այլ խախտումները բացառելու նպատակով»,-ասաց Արմեն Սիմոնյանը․

 Գլխավոր դատախազ Աննա վարդապետյանն էլ պարզաբանեց, որ նվիրաբերվող  տարածքը «Քարերի սիմֆոնիա» բնության հուշարձանի տարածքում է, այն 0.1 հա մակերեսով հողամաս է և ուսումնասիրության արդյունքում Գառնի համայնքի սեփականաության իրավունքն է վերականգնվել, որը համարվում է բնության հատուկ պահպանվող տարածք։

Դատախազի հետ միասին Փաշինյանն էլ բացատրեց, որ այդ տարածքը հողային օրենսգրքի 60 հոդվածով օտարվող հող է օտարվել։