Վերջին շրջանում Նոան նույնպես լավ մարզավիճակում չէ․ Ինյակի Աստիս

Վարշավայի «Լեգիայի» գլխավոր մարզիչ Ինյակի Աստիսը պատասխանել է լրագրողների հարցերին «Նոայի» դեմ կայանալիք հանդիպումից առաջ։

«Էլիտիմի և Նսամեի վնասվածքները բավականին լուրջ են։ Արթուր Յենջեյչիկը ամիսներ շարունակ պայքարում է ծնկի ցավերի դեմ, հաճախ մարզվել է ցավազրկողներով։ Գիտենք՝ որքան պինդ տղա է նա, բայց վերջին շրջանում վիճակը վատթարացել էր, ուստի մարզչական շտաբով որոշեցինք նրան հանգիստ տալ, որպեսզի պատրաստ լինի վերջին երկու հանդիպումներին։ Ռադովան Պանկովը աճուկի հետ կապված խնդիրներ ունի, ինչը հեշտ չէ բուժել․ ցավը պարբերաբար վերադառնում է։ Ռաշան թեև աշխատում է, բայց 100%-ով պատրաստ չէ, այդ պատճառով թիմի հետ չի մեկնել։ Իսկ Վայսհաուպտը հիվանդացել է գրիպով․ վերջին 2-3 օրը թիմի հետ չէր, ուստի մնացել է Վարշավայում։

Մեկ տարի առաջ «Նոայում» իրավիճակն այլ էր՝ այլ մարզիչ, չեմպիոնություն, Կոնֆերենցիաների լիգա։ Վերջին շրջանում նրանք նույնպես լավ մարզավիճակում չեն՝ հաղթել են վերջին տասը խաղից միայն մեկում։ Այնուամենայնիվ, սա ագրեսիվ թիմ է, որը լավ է պայքարում առանց գնդակի։ Ունեն որակյալ ֆուտբոլիստներ, որոնք կարող են եղանակ ստեղծել։ «Նոան» այն թիմն է, որն իրեն ավելի լավ է զգում գնդակով, քան առանց դրա։ Նրանք քիչ գոլ են բաց թողնում, և մենք պետք է պատրաստ լինենք դրան։

Ավելին՝ սկզբնաղբյուրում։