Իշխանությունը փորձում է լույսերով ծածկել պատասխանատվությունն ու լռեցնել ցավը. այդ ամենի համար 608 մլն ծախսելը ոչ թե ուրախություն է, այլ անտարբերություն. «Քոչարի» կուսակցության կոշտ դիրքորոշումը

 

Մենք ուրախության, տոնի, լույսերի և Նոր տարվա դեմ չենք։ Ժողովուրդն իրավունք ունի ժպտալու, երեխաները՝ հեքիաթի, քաղաքը՝ լուսավոր լինելու։ Բայց մենք կտրականապես դեմ ենք պետական ցինիզմին և անբարոյական առաջնահերթություններին։

 

Այսօր, երբ

 

- Արցախից տասնյակ հազարավոր բռնի տեղահանված ընտանիքներ դեռ չունեն կայուն բնակարան,

 

- հազարավոր մարդիկ ապրում են վարձով, ժամանակավոր կացարաններում, հյուրանոցներում,

 

 

- կան երեխաներ, որոնք դպրոց են գնում անորոշ վաղվա պայմաններում,

 

- կան զոհվածների ընտանիքներ, որոնք սպասում են խոստացված աջակցությանը,

 

608 միլիոն դրամ ծախսել տոնական լույսերի և միջոցառումների վրա՝ ոչ թե ուրախություն է, այլ անտարբերության ցուցադրություն։

 

Խնդիրը լույսերը չեն, խնդիրը խիղճն է:

 

Թող հստակ լինի․

 

●մենք չենք ասում՝ քաղաքը մթեցրեք,

 

●մենք չենք ասում՝ ժողովուրդը չպիտի ուրախանա,

 

● մենք ասում ենք՝ նախ լուծեք մարդկային ողբերգությունը, հետո կազմակերպեք շոու։

 

Երբ մարդը չունի տուն, երբ ընտանիքը չունի անվտանգ ապագա, տոնական լույսերը դառնում են ոչ թե հույս, այլ վիրավորանք։

 

 

Իշխանությունը փորձում է լույսերով ծածկել պատասխանատվությունը։

 

Փորձում է տոնով լռեցնել ցավը։

 

Փորձում է միջոցառումներով փոխարինել քաղաքական լուծումները։

 

Սա կառավարում չէ, սա ձևականություն է։

 

Եթե իշխանությունը կարող է գտնել 608 միլիոն դրամ, ապա պարտավոր էր նախ գտնել միջոց՝ բնակարանային ծրագիրն ամբողջությամբ լուծելու,

 

փախստականների սոցիալական անվտանգությունը երաշխավորելու,

 

զոհվածների ընտանիքների հարցերը վերջնական փակելու համար։

 

Մեր դիրքորոշումը հստակ է

 

●Ուրախությունն իրավունք է,

 

●Արժանապատվությունը՝ պարտադիր պայման։

 

Այն իշխանությունը, որը նախ լույս է կախում, հետո մտածում մարդու մասին, իշխանություն չէ՝ այլ PR գործակալություն։

 

Եվ ժողովուրդը պետք է սա տեսնի պարզ, առանց մանիպուլյացիայի։

---

«ՔՈՉԱՐԻ – Ազգային Վերածնունդ և Ազգի Զարթոնք» կուսակցություն