Ամեն ինչ ունայն է, եթե կյանքումդ չունես Աստծո ներկայությունը
Խորհուրդներ՝ Սուրբ Աննա և Կաթողիկե Սուրբ Աստվածածին եկեղեցիների հոգևոր հովիվ Տեր Զենոն քահանա Բարսեղյանի կողմից:
Պետք է կարողանանք…
-Երիտասարդներին պաշտպանելուց զատ, պետք է կարողանանք նրանց մեջ սերմանել քրիստոնեական մեր արժեքները: Երբ երիտասարդներին թողնում ենք «քաղցած», նրանք աջ ու ձախ են նայում՝ քաղցը լրացնելու համար: Մեր արժեքները սերմանելու դեպքում՝ նրանց պաշտպանելու կարիք չի լինի: Այդ սնունդով նրանք կքայլեն, այն նրանց համար կդառնա ուժ: Քրիստոսի հետ քայլողը, Տիրոջով քաղցը հագեցնողը չի կարող այլ արժեքների կրող լինել՝ անտարբեր, հայհոյող, հարվածող: Ինչ արժեք, որ կրեցինք, այն էլ լինելու է մեզ համար առաջնային: Որ լեզվով աղոթում ենք, չենք կարող հայհոյել: Մեր եկեղեցիները լեցուն են երիտասարդներով, որոնք պատրաստակամ են Քրիստոսի ետևից քայլելու: Պետք է կարողանանք նրանց աշխուժությունը ճիշտ հունի վրա դնել:
Երբ խախտվում է ներդաշնակությունը…
-Երբ երիտասարդները հոգում են միայն մարմնի կարիքները, խախտվում է մարմնի ու հոգու ներդաշնակությունը: Առաջանում է հոգևոր քաղց: Նրանք հայտնվում են փնտրտուքների մեջ, փորձում իրենց առօրյան լցնել: Եթե փնտրում են հոգևորը, գտնում են այն: Եթե փնտրում են սանձարձակությունը, կգտնեն դա: Մենք պետք է կարողանանք նրանց ճիշտ համախմբել: Առանց Քրիստոսի հնարավոր չէ ստանալ իրական երջանկություն ու խաղաղություն: Ի վերջո երիտասարդների փնտրտուքները կարող են տանել դեպի եկեղեցի՝ հաղորդվելու Տիրոջ Մարմնին ու Արյանը: Եկեղեցում մեր տեղը գտնելու համար կան ճանապարհներ:
Քրիստոնյա լինել, չի նշանակում…
-Քրիստոնյա լինել, չի նշանակում ուրախ չլինել, երիտասարդական կյանքով չապրել, նշանակում է այդ ուրախությունն ապրել Քրիստոսի ներկայության մեջ: «Ունայնություն ունայնությանց,- ասաց Ժողովողը,- ամեն ինչ ունայն է»։ Ամեն ինչ ունայն է, եթե դու չունես Աստծո ներկայությունը քո կյանքում, ոչնչից չես կարողանում ստանալ ցանկալի ուրախությունը: Երբ կա Քրիստոսի ներկայությունը, ամեն բան դառնում է որոշյալ, ունայնությունը վերանում է: Ապրել Քրիստոսի ներկայության մեջ նշանակում է զգալ Քրիստոսի սերը, Նրա խոսքերը փորձել կյանքի կոչել, Նրա հետ միասին քայլել: Այն շատ պարզ ու միևնույն ժամանակ բարդ է: Պարզ է, երբ կարողանում ես Տիրոջը գտնել, բարդ է, երբ փորձում ես պարզապես ինքդ քեզ պարտադրել: Երիտասարդները պետք է փորձեն համատեղել իրենց հետաքրքրությունները հոգևորի հետ:
Հոգևոր կյանքով ապրել չի նշանակում…
-Հոգևոր կյանքով ապրել չի նշանակում կորցնել ազատ կամքը: Եթե գալիս ես եկեղեցի, մասնակցում ծիսական արարողություններին, չի նշանակում, որ դառնում ես վանական: Եկեղեցում որևէ մեկը երիտասարդի ազատությունը չի սահմանափակում: Այսօր ազատություն ասելով ոմանք պատկերացնում են սանձարձակությունը: Ազատ լինել չի նշանակում մեղքի մեջ լինել: Երբ ապրում ես մեղքով լեցուն կյանք, կորցնում ես ազատությունդ, դառնում ես գերի: Պետք է ազատ լինել՝ ապրելով Քրիստոսի մեջ:
Վերին Լարսը փակ է. Վրաստանը տարհանում է տեղի բնակիչներին (տեսանյութ)
Մեր պետական կառույցներում չգիտե՞ն, թե փայլաթիթեղն ինչ նպատակով կարող է օգտագործվել Ադրբեջանում
Ադրբեջանը Հայաստանի գյուղերում ուսումնասիրություն է իրականացրել, որում Արարատի Նորամարգ գյուղը ներկա...
Դալար գյուղում ոստիկանը վրաերթի է ենթարկել կնոջն ու նրա 6-ամյա որդուն և դիմել փախուստի. գործը փորձու...
Շոու-բիզնեսով զբաղվողի ու իրական արտիստի սահմանը. արժեքներ, որոնք փողով չեն չափում
Չամարձակվեք այլևս Ծառուկյանի անունը տալ, դուք «պրավալ» տվեցիք, հիմա փորձում եք մեղքը գցել Ծառուկյանի...
Ինչո՞ւ են «Գադիան» գրուպի մրցակից պահնորդներին զենքի քննությունից «աջ ու ձախ կտրում». ի՞նչ կապ ունի ...
Կարծում եք՝ պատից նկարը հանելով՝ հերոսի՞ն էլ եք ջնջելու. ջնջել են Ալբերտ Հովհաննիսյանի նկարը
Պարգևավճարներ՝ «յուրայիններին». կոռուպցիոն ռիսկեր և կամայականություն՝ Աբեղյանի անվան գրականության ին...
Վրեժխնդրությունը կանխվել է. «Հրաշք այգու» ծեծկռտուքի մասնակիցները բերման են ենթարկվել
