Հանրապետության գրեթե բոլոր շրջաններում սպասվում է ձյուն

Հյուսիս-արևմուտքից ցուրտ մթնոլորտային ճակատի ներթափանցմամբ պայմանավորված` դեկտեմբրի 27-ի գիշերը առանձին շրջաններում կտեղա թույլ ձյուն։ Դեկտեմբերի 27-ի կեսօրից հետո դեպի երեկո և դեկտեմբերի 27-ի լույս 28-ի գիշերը ու առավոտյան հանրապետության ողջ տարածքում, դեկտեմբերի 28-ի ցերեկը Գեղարքունիքում, Արարատում, Վայոց ձորում ու Սյունիքում սպասվում է ձյուն, առանձին հատվածներում՝ առատ։ Հանրապետության լեռնային մարզերի առանձին գոտիներում սպասվում է նաև քամու ուժգնացում՝ 17-20 մ/վ, բուք, ցածր հորիզոնական տեսանելիություն։ Օդի ջերմաստիճանը դեկտեմբերի 28-30-ը հանրապետության ողջ տարածքում կնվազի 5-7 աստիճանով։ Երևանում դեկտեմբերի 26-ի ցերեկը, 27-ի գիշերը սպասվում են թույլ տեղումներ։ Դեկտեմբերի 27-ի ուշ երեկոյան, դեկտեմբերի 27-ի լույս 28-ի գիշերը և առավոտյան սպասվում է ձյուն։

Հանրապետության տարածքում`

Դեկտեմբերի  27-ի գիշերը, 28-ի, 29-ի 31-ի ցերեկը առանձին շրջաններում, 27-ի ցերեկը, 28-ի գիշերը և առավոտյան շրջանների մեծ մասում սպասվում է ձյուն, 27-ի ցերեկը և 28-ին առանձին հատվածներում առատ։ Դեկտեմբերի 29-ի գիշերը, 30-ին, 31-ի գիշերը սպասվում է առանց տեղումների եղանակ։ 

Քամին՝ հյուսիս արևմտյան՝ 2-5 մ/վ, դեկտեմբերի 27-ին, 29-31-ն առանձին վայրերում սպասվում է քամու ուժգնացում՝ 17-20 մ/վ, 27-28-ը՝ լեռնային առանձին մարզերում սպասվում է բուք, ցածր հորիզոնական տեսանելիություն։ 

Օդի ջերմաստիճանը դեկտեմբերի 28-30-ն աստիճանաբար կնվազի 5-7 աստիճանով։

Երևան քաղաքում`

Դեկտեմբերի  27-ի գիշերը, 29-ի և 31-ի ցերեկը սպասվում են թույլ ձյուն, 27-ի ուշ երեկոյան, 27-ի լույս 28-ի գիշերը և առավոտյան սպասվում է ձյուն: Դեկտեմբերի 29-ի գիշերը, 30-ին, 31-ի գիշերը սպասվում է առանց տեղումների եղանակ: