Կաթողիկոսի վրա քար նետող «կուսակրոն» հոգևորականներից մեկն Արգիշտի Քյարամյանի հա՞յրն է

Նիկոլ Փաշինյանի հետ գործարքի մեջ մտած` Հայ Առաքելական եկեղեցու բարձրաստիճան սրբազան հայրերը  Վեհափառ Հայրապետի թիկունքում դավեր նյութելով՝ ստորագրեցին Ամենայն Հայոց կաթողիկոսին գահընկեց անելու հայտարարության ներքո (հայտարարությունը՝ ստորև):

10 տիրադավերի անունները վաղուց հայտնի են.

1.Արարատյան հայրապետական թեմի առաջնորդ Նավասարդ արքեպիսկոպոս Կճոյան

2.Վայոց  ձորի թեմի առաջնորդ Աբրահամ արքեպիսկոպոս Մկրտչյան

3.Մասյացոտն թեմի առաջնորդ Գևորգ եպիսկոպոս Սարոյան

4.Բալթյան երկրների թեմի առաջնորդ Վազգեն արքեպիսկոպոս Միրզախանյան

5.Արցախի թեմի առաջնորդ Վրթանես եպիսկոպոս Աբրահամյան

6.ԵՊՀ Աստվածաբանության ֆակուլտետի նախկին դեկան Անուշավան եպիսկոպոս Ժամկոչյան

7.Կոտայքի թեմի առաջնորդ Առաքել արքեպիսկոպոս Քարամյան

8.Վանորեից տեսուչ Արտակ եպիսկոպոս Տիգրանյան

9.ԱՄՆ Արևմտյան Թեմի առաջնորդ Հովնան արքեպիսկոպոս Տերտերյան

10.Սիմոն արքեպիսկոպոս Ադամյան

Հարկ է նկատել, որ Նիկոլ Փաշինյանի հրապարած տեսանյութում, որը նա նկարահանել է տվել  վարչապետի կեցավայրում տիրադավերի սև գործի ժամանակ, կադրում երևում են 10 սրբազաններից միայն 7-ը: Ստացվում է, որ կադրում չերևալու կամ մեկ այլ պատճառով, 3 տիրադավ որոշել են աչքի չընկնել:

Երևի հաշվի չեն առել, որ Փաշինյանը կհրապարակի իրենց իսկ անունների դիմաց արված ստորագրությունների փաստաթուղթը:

3 «ծպտյալներից» մեկը Կոտայքի թեմի առաջնորդ Առաքել արքեպիսկոպոս Քարամյանն է:

Նրանք, ովքեր չեն հիշում՝ հիշեցնենք, իսկ ովքեր չգիտեն՝ տեղեկացնենք, որ Առաքել արքեպիսկոպոս Քարամյանի անունն ասոցացվում է Արգիշտի Էլբեկի Քյարամյանի հետ:

Իսկ ավելի կոնկրետ՝ շրջանառվում են տեղեկություններ, որ Առաքել արքեպիսկոպոս Քարամյանը (գավազանի անունը՝ Էլբեկ Երեմի Քարամյան) Արգիշտի Քյարամյանի կենսաբանական հայրն է:

Փոքրիկ ակնարկի կարգով նկատենք, որ այս աղմուկը բարձրացավ այն բանից հետո, երբ սկսեց շշուկներ տարածվել, թե որտեղից երիտասարդ պաշտոնյային այսքան ունեցվածք: Այդ ժամանակ Արգիշտի Քյարամյանը պարզաբանեց, թե հայտարարագրում ներկայացված դրամական միջոցների մի զգալի մասն իրեն նվիրել է Եվրոպայում բնակվող քեռին։ Գումարների մի մասն էլ, ըստ Քյարամյանի պարզաբանման, ստացվել է Ռուսաստանի Դաշնությունում արտագնա աշխատանքով զբաղվող մերձավոր ազգականների և ընտանիքի այլ բարեկամների պարբերական նվիրատվություններից։

Այս բացատրությունից հետո սոցցանցերում սկսվեցին տարատեսակ զվարճալի մեկնաբանություններ՝ կասկածի տակ դնելով նման առատաձեռն քեռու գոյությունը։ Ապա տեղեկություն տարածվեց, թե այս ամենի հիմնական «հովանավորը» նրա հայրն է՝ Կոտայքի թեմի առաջնորդ Էլբեկ Քյարամյանը (Առաքել եպիսկոպոս), որը, սակայն, հերքել է նրա հայրը լինելու հանգամանքը՝ նշելով, թե Արգիշտին իր հորեղբոր թոռն է։

Ավելի ճիշտ ոչ թե հերքել է, այլ նյարդային ջղաձգումներով պատասխաններ է տվել, հավանաբար, զգուշանալով՝ իրականությունը ջրի երես հանելուց:

Երբ նրան հարցրել են այդ մասին՝ կուսակրոն համարվող հոգևորականը նեղսրտել է. 

«Իմ ազգանունը Քարամյան է, և Արգիշտին իմ ազգականն է։ Եթե դուք ինձ չպիտի հավատաք, ապա ինչո՞ւ եք զանգահարել։ Սրանով ավարտում եմ, քանի որ դա իրականության հետ ոչ մի աղերս չունի»։

Հարցին, թե ի՞նչ ազգական է Արգիշտին իրեն, Սրբազանը պատասխանել է. «Իմ հորեղբոր թոռն է Արգիշտին։ Աստծո օրհնությունը Ձեզ, Մնաք բարյավ»։

Սակայն այստեղ կա շատ պարզ մի բան՝ Արգիշտի Քյարամյանի հայրանունը հենց Էլբեկ է:

Հարկ է ընդգծել, որ Հայաստանում, ըստ ՀՀ ընտրողների պետռեգիստրի, միայն մեկ Էլբեկ Քյարամյան կա, և այդ մեկը Կոտայքի թեմի առաջնորդն է:

Արգիշտի Քյարամյանն էլ իր հարցազրույցներից մեկում ո՛չ հերքել, ո՛չ հաստատել էր՝ Էլբեկ Քյարամյանն իր հա՞յրն է, թե՞ ոչ․ նա դա համարում է անձնական տվյալ։

Իսկ ինչպես հայտնի է, ըստ Հայ Առաքելական եկեղեցու կանոնների, թեմի առաջնորդ կարող է դառնալ կուսակրոն հոգևորականը։ Այսինքն՝ Քյարամյանի հոգևորական հայրը ամուսնանալով, կամ գուցե առանց ամուսնանլու զավակ ունենալով, խախտել է ՀԱԵ կանոնները։

Ինչպես ասում են՝ ճակատագրի հեգնանք է. այսօր արդեն ստացվում է, որ կաթողիկոսի հնարավոր զավակ ունենալու դեմ բողոքում ու նրան փորձում է իր ստորագրությամբ գահընկեց անել մի հոգևորական, ով ևս կասկածվում և մեղադրվում է ՀԱԵ կանոնները խախտելու և զավակ ունենալու մեջ:

Այնպես որ, կաթողիկոսի վրա քար նետող սրբազանն անմեղ չէ:

Արմինե Մկրտումյան