«Պաշտոնյաները բարձր վարձատրություն են ստանալու օրվա իշխանություններին լուռ ծառայելու համար»․ Մանուշ Եսայան

Փաստաբան Մանուշ Եսայանի ֆեյսբուքյան գրառումը․

 

«Պաշտոնյաների աստղաբաշխական պարգևավճարների հարցը եղել է, կա ու կլինի։ Նորմալ երկրներում, այո, ենթադրվում է, որ պաշտոնյան պետք է լավ վարձատրվի, որովհետև իր պարտականությունների և պատասխանատվության չափն ահռելի է, և եթե ուզում ես գրագետ կադրեր ունենալ, ապա, անշուշտ, որպես պետություն, պետք է բարձր վարձատրություն սահմանես, որ մասնավորը լավ կադրերի համար լինի նվազ գայթակղիչ։

 

Ինչ վերաբերվում է մեր երկրին․ նախկին, ներկա և ապագա ժամանակներում պաշտոնայների գերակշիռ մասը բարձր վարձատրություն են ստանալու միայն և բացառապես մի բանի համար՝ օրվա իշխանություններին լուռ և խոնարհ ծառայելու, և դրան զուգահեռ պետությանը և իր քաղաքացուն ծառայելու իմիտացիա ստեղծելու համար։

 

Էսպես է եղել, կա ու լինելու է, որովհետև այն բոլոր մարդիկ (գերակշիռ մասը), ում շնորհիվ ձևավորվում է պետական բյուջեն և ովքեր անուղղակի այդ վարձատրությունները տվողներն են՝ անտարբեր են, զբաղված և վախկոտ։

 

Իսկ նրանք, ովքեր երբեք չեն հանդիսացել ՀՀ հարկատու կամ հարկեր վճարել են շատ նվազ չափով՝ իրենց դա որևէ կերպ չի «կպել» թե՛ էն ժամանակ, թե՛ հիմա։ Բավարար է միայն, որ իրենց հետ խոսեն իբրև հավասարի, ցույց տան իրենց կողքին ապրող հարուստներին և բարձր գոռան նրանց «թալանչիներ» լինելու մասին, իրենց ասեն՝ ինչ իրենք ուզում են լսել, իրենց համար ապահովեն իրենց նեղ անձնական կարիքները՝ կրկին էն առաջին սեգմենտի հաշվին։

 

Այս երկրորդ մասում նկարագրված հնարքին ցավոք չեն տիրապետել մինչև 2018թ․ ՀՀ կառավարած ուժերը, ինչը չենք կարող ասել ներկաների մասին։ Հետևապես, սրանք բոլոր առումներով անմրցելի են։

Հ․Գ․ Շարունակում ենք կործանվել»։