Վաղարշապատում ընտրակաշառքի գործով ևս 13 անձի նկատմամբ է քրեական հետապնդում հարուցվել
Վաղարշապատ համայնքում ընտրակաշառք տալու և ստանալու վերաբերյալ քրեական վարույթի շրջանակում ևս 13 անձի նկատմամբ է հանրային քրեական հետապնդում հարուցվել։ Sputnik Արմենիայի հետ զրույցում հայտնեց Հակակոռուպցիոն կոմիտեի մամուլի խոսնակ Մարինա Օհանջանյանը։
«Նրանք մեղադրվում են Վաղարշապատ համայնքում 2025թ․ նոյեմբերի 16-ին կայացած ավագանու ընտրություններին «Հայրենիք» կուսակցության օգտին քվեարկելու դիմաց ընտրակաշառք ստանալու և մի խումբ անձանց կողմից նախնական համաձայնությամբ ընտրակաշառք տալուն օժանդակելու մեջ»,- հայտնեցին կոմիտեից։
Ինչպես պարզաբանեցին կոմիտեից, քրեական վարույթի շրջանակում որպես մեղադրյալ ներգրավված է ընդհանուր 23 անձ։
Հիշեցնենք` 2024 թվականի դեկտեմբերի 30-ին հայտնի դարձավ, որ ՀՀ Արմավիրի մարզի Վաղարշապատ համայնքում 2025 թ. նոյեմբերի 16–ին համամասնական ընտրակարգով ավագանու ընտրություններին ընտրակաշառքի դեպքերով ձերբակալվել է 10 անձ, այդ թվում՝ Արմավիրի մարզպետի նախկին տեղակալ Մովսես Քարտաշյանը, «Հայրենիք» կուսակցության գլխավոր քարտուղար Խաչիկ Գալստյանը (կալանավորվել է 2 ամսով խմբ․), կուսակցության մեկ այլ ներկայացուցիչ՝ Արամ Քոչարյանը։
Հակակոռուպցիոն կոմիտեից հայտնել էին, որ քրեական վարույթ է նախաձեռնվել «Հայրենիք» կուսակցության պատասխանատու անձանց կողմից ընտրություններում իրենց օգտին քվեարկելու դիմաց ընտրակաշառք տալու և նույն համայնքի բնակիչների կողմից ընտրակաշառք ստանալու դեպքերով:
Անչափահասի հնարավոր սեռական շահագործման գործով մեկ անձի նկատմամբ հարուցվել է հանրային քրեական հետապն...
«Արդարությունը հիվանդանում է, բայց չի մահանում». Ծառուկյանը՝ Փաշինյանի այսօրվա հայտարարության մասին ...
Կինոն սկսել է, բայց հանկարծ հույս չունենաք, որ դուք դիտորդ եք լինելու. Արթուր Դանիելյան
Իմ մահվան մասին լուրերը չափազանցված են. Արայիկ Հարությունյան
Նիկոլ Փաշինյանը նոր մամուլի խոսնակ ունի
ՔՊ-ական լինելը որևէ մեկին առավելություն չի տալիս. Փաշինյանը՝ Կոնջորյանի եղբոր մասնակցությամբ միջադե...
Պարզվել է Կիևյան կամրջի տակ հայտնաբերված մահացած երիտասարդի ինքնությունը․ նա Երևանում գործող հայտնի ...
Այո, ես եմ ընտրվել. Լուսինե Բադալյանը ընտրվել է առողջապահական հանձնաժողովի նախագահի թեկնածու (տեսանյ...
Այս կազմով մենք հանդիպում ենք վերջին անգամ, կիրակի հրաժարական կտանք․ Փաշինյանը՝ Կառավարության անդամն...
Հաղորդում եմ տալիս. Փաշինյանը իրավապահներին ուղղորդեց Լիպարիտ Դրմեյանի դեմ
