Սլավյանսկի և Կրամատորսկի համար ճակատամարտերը որոշելու է Արևելյան Ուկրաինայի ճակատագիրը

Ռուսական զորքերը իրենց հիմնական ուժերը կենտրոնացրել են Դոնբասի արևելքում, առաջին հերթին՝ Սլավյանսկի և Կրամատորսկի տարածքում, որոնց գրավումը կարող է հանգեցնել Ուկրաինայի արևելյան ռազմաճակատի փլուզմանը:

Այս մասին հաղորդում է Sky News-ը։

Նշվում է, որ ռուսական զորքերը ներկայումս իրենց հիմնական ռազմական ջանքերը կենտրոնացնում են արևելյան Դոնբասի վրա։ Մի քանի տարի շարունակ նրանք փորձում են վերահսկողություն հաստատել Սլավյանսկի և Կրամատորսկի նկատմամբ, որոնք Ուկրաինայի զինված ուժերը վերածել են լավ ամրացված քաղաքների։

«Նրանք կարևոր դեր են խաղում Դոնեցկի մարզի արևելյան մասի մնացած 20%-ի պաշտպանության գործում, որը մնում է Ուկրաինայի վերահսկողության տակ։ Եվ այս քաղաքների կորուստը կհանգեցնի արևելյան ճակատի փլուզմանը», - նշում է հրատարակությունը։

Sky News-ի տվյալներով՝ եթե Սլավյանսկն ու Կրամատորսկը ընկնեն, տարածաշրջանի մյուս բնակավայրերը կարող են նմանատիպ ճակատագրի արժանանալ։

«Սլավյանսկը պատմականորեն և քաղաքականապես շատ կարևոր է, քանի որ ուկրաինացիները այն վերագրավեցին 2014 թվականին», - նշվում է հոդվածում։