Նարեկ Սամսոնյանն այս պահին գտնվում է բուժհաստատությունում, բուժում է ստանում․ Դավիթ Ֆիդանյան

Քաղաքական բանտարկյալ Նարեկ Սամսոնյանն այս պահին գտնվում է բուժհաստատությունում, ստանում է իր բուժումը։ Այս մասին լրագրողներին հետ զրույցում ասաց «Անտիֆեյքի» լրագրող Դավիթ Ֆիդանյանը։ 

«Ինչի մասին էր Նարեկ Սամսոնյանի և Վազգեն Սաղաթելյանի գործը՝ նրանց նկատմամբ այս դասական քաղաքական բռնաճնշումը․ ընդամենը խոսքի համար։ Ընդ որում՝ նրանք կալանավորվել են այն հոդվածի հիման վրա, որով արդեն կալանավորվել էին 2 ամսով և հետագայում արդարացվել էին նույն մեղադրանքի համատեքստում։ Այս անգամ ռեժիմը թիրախավորեց ոչ միայն նրանց, այլ նաև «Անտիֆեյքի» խմբագրությունը։ Գիտեք, որ ներխուժեցին խմբագրություն, առգրավեցին տեխնիկան»,- ասաց լրագրողը։ 

Նրա կարծիքով՝ սա ոչ միայն իրենց նկատմամբ տեղի ունեցող բռնաճնշում է, այլև քաղաքական հալածանք, քաղաքական բռնաճշում ուղղված ընդդիմադիր մեդիային, ընդդեմ ազատ խոսքին․ «Մենք բազմաթիվ անգամ ֆիքսել ենք, որ գործող ռեժիմի ներկայացուցուչները բազմաթիվ հայցեր են ուղղել ընդդիմադիր մեդիաների նկատմամբ»։ 

Ֆիդանյանի խոսքով՝ կարծես թե սառույցը տեղից շարժվում է և տարբեր հասարակական-քաղաքական միավորներ մեկ օրակարգի շուրջ կարողացել են համախմբվել և  կարևոր բողոքի միջոցառում իրականացնել ԵԽԽՎ մարդու իրավունքների հանձնակատարի այցի համատեքստում։

«Այսօր Հայաստանում կան տասնյակ քաղաքական բանտարկյալներ, և մենք պետք է պայքարենք բոլորի համար»,- եզրափակեց Ֆիդանյանը։