Հունվարի միջին ջերմաստիճանը Հայաստանում 91 տարում բարձրացել է 1․8°C-ով, տեղումները նվազել են 7%-ով
«Հիդրոօդերևութաբանության և մոնիթորինգի կենտրոնը» հրապարակել է 2026 թվականի հունվար ամսվա կլիմայական նկարագիրը.
«2026 թվականի հունվարին օդի միջին ամսական ջերմաստիճանը Հայաստանում կազմել է -5․6°C, որը նորմայի սահմաններում էր։ Տեղումների քանակը՝ 43.8մմ, գերազանցել է հունվար ամսվա նորման՝ կազմելով նորմայի 125%-ը։
Հունվարի առաջին տասնօրյակը բնութագրվեց նորմայից ցածր օրական ջերմաստիճաններով։ Հունվարի 3-ին Աշոցքում դիտվեց ամսվա ամենացածր ջերմաստիճանը՝ -37°C, իսկ Արարատյան դաշտում և Երևանում գրանցվեց մինչև -18․2°C։
Ամսվա երկրորդ և երրորդ տասնօրյակներում օրական միջին ջերմաստիճանները հիմնականում բարձր էին կլիմայական նորմայից։
Բացառություն կազմեցին Արարատյան դաշտը և Երևանը, որտեղ ամսվա երրորդ տասնօրյակին ձևավորվեց ցուրտ օդի լճացում, որի հետևանքով դիտվեցին ցածր ջերմաստիճաններ։ Օդի ջերմաստիճանները հատկապես ցածր էին ցերեկային ժամերին՝ -3-ից -2°C, որը պայմանավորված էր մառախուղով և խիտ ամպամածությամբ։ Ցուրտ օդի լճացման ազդեցությունը տարածվեց նաև Արարատյան դաշտին հարակից գտնվող նախալեռնային հատվածների վրա՝ մինչև 1200-1400մ բարձրությունները։
Ամսվա ընթացքում ամենաբարձր ջերմաստիճանը դիտվել է հունվարի 9-ին Կապանում՝ 20°C։
Հունվարի 1-2-ը, 13-14-ը և 19-20-ը հանրապետության շրջանների մեծ մասում դիտվեց ձյուն։ Լեռնային և նախալեռնային առանձին շրջաններում՝ Արագածոտնի և Վայոց Ձորի լեռներում, Գեղարքունիքում և Շիրակում, դիտվեց առատ ձյուն և ձնաբուք։
Հունվարի 31-ի դրությամբ Հայաստանի լեռնային շրջաններում՝ 1800-2200 մետր բարձրություններում, ձյան շերտի բարձրությունը կազմել է 50-60 սմ, իսկ Ամբերդ և Արագած բարձր լեռնային օդերևութաբանական կայաններում՝ 90-102 սմ, այնինչ Սյունիքի և Տավուշի հովտային շրջաններում ձյան շերտը բացակայում էր։
1935 թվականից իրականացվող դիտարկումների տվյալների համաձայն՝ ամենատաք հունվարը դիտվել է 1966 թվականին, երբ օդի միջին ամսական ջերմաստիճանը կազմել էր -0․3°C, իսկ ամենացուրտը՝ 1964 թվականին՝ -11․7°C միջին ամսական ջերմաստիճանով։
Ամենախոնավ հունվարը դիտվել է 2010 թվականին, երբ տեղումների քանակը կազմել է 76․5մմ, իսկ ամենաչորը՝ 1999 թվականին, ընդամենը 2․3մմ տեղումների քանակով։
Կլիմայի փոփոխության գնահատականները ցույց են տալիս, որ հունվարի միջին ջերմաստիճանը Հայաստանում բարձրացել է 1․8°C-ով՝ 1935-2026 թթ․ ժամանակահատվածում, իսկ տեղումները նվազել են մոտ 7%-ով»։
Անչափահասի հնարավոր սեռական շահագործման գործով մեկ անձի նկատմամբ հարուցվել է հանրային քրեական հետապն...
«Արդարությունը հիվանդանում է, բայց չի մահանում». Ծառուկյանը՝ Փաշինյանի այսօրվա հայտարարության մասին ...
Կինոն սկսել է, բայց հանկարծ հույս չունենաք, որ դուք դիտորդ եք լինելու. Արթուր Դանիելյան
Ինչու էս ամառվա շոգին Աննա Հակոբյանը վդռուգ սկսեց շրջանառել կանանց ընտանեկան բռնությունների հարցը. փ...
Ովքե՞ր են Պուշկինի փողոցի «պատահական անցորդները». ինչպե՞ս են վարչապետի դուստրը, թաղապետը, շոուբիզնես...
Իմ մահվան մասին լուրերը չափազանցված են. Արայիկ Հարությունյան
Նիկոլ Փաշինյանը նոր մամուլի խոսնակ ունի
ՔՊ-ական լինելը որևէ մեկին առավելություն չի տալիս. Փաշինյանը՝ Կոնջորյանի եղբոր մասնակցությամբ միջադե...
Պարզվել է Կիևյան կամրջի տակ հայտնաբերված մահացած երիտասարդի ինքնությունը․ նա Երևանում գործող հայտնի ...
Այո, ես եմ ընտրվել. Լուսինե Բադալյանը ընտրվել է առողջապահական հանձնաժողովի նախագահի թեկնածու (տեսանյ...
